Toshkent shahar Olmazor tumani Qorasaroy ko‘chasidagi maishiy xizmat ko‘rsatish majmuasi va qahvaxona kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga iqtisodiy sud hukmi bilan Olmazor tumani MIB tomonidan joylashtirilgan. 2018-yilda qurilgan 2 qavatli bino 30 ta xonadan iborat.
Yer uchastkasining umumiy maydoni — 8,0 gektar. Binoning maydoni — 7 610 kvadrat metr. Binoda gaz, suv, elektr ta’minoti va kanalizatsiya tizimi mavjud.
Auksionga qo‘yilgan majmuaning boshlang‘ich bahosi — 6,4 mlrd so‘m. Arizalar 23-iyun 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkent shahridagi 12 xonali hovli MIB tomonidan qariyb 4 mlrd so‘mga auksionga qo‘yilgani haqida xabar berilgan edi.
Izoh (0)