Тошкент шаҳар Олмазор тумани Қорасарой кўчасидаги маиший хизмат кўрсатиш мажмуаси ва қаҳвахона кимошди савдосига қўйилди. Лот маълумотлари «E-auksion» порталида эълон қилинган.
Лот аукционга иқтисодий суд ҳукми билан Олмазор тумани МИБ томонидан жойлаштирилган. 2018 йилда қурилган 2 қаватли бино 30 та хонадан иборат.
Ер участкасининг умумий майдони — 8,0 гектар. Бинонинг майдони — 7 610 квадрат метр. Бинода газ, сув, электр таъминоти ва канализация тизими мавжуд.
Аукционга қўйилган мажмуанинг бошланғич баҳоси — 6,4 млрд сўм. Аризалар 23 июнь 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкент шаҳридаги 12 хонали ҳовли МИБ томонидан қарийб 4 млрд сўмга аукционга қўйилгани ҳақида хабар берилган эди.
Изоҳ (0)