Axborot texnologiyalari va kommunikatsiyalarini rivojlantirish vaziri Sherzod Shermatov bilan onlayn tarzda ochiq muloqot bo‘lib o‘tadi. Bu haqda vazirlik matbuot xizmati xabar berdi.
Ochiq muloqot O‘zbekistonda frilanserlik faoliyati haqida bo‘lib, u 3-iyun kuni soat 10:00 da boshlanadi.
Suhbatda har bir ishtirokchi vazirga o‘zini qiziqtirgan savolni berishi, faoliyat jarayonidagi muammolarni muhokama qilishi, shuningdek, o‘z ish tajribasi bilan o‘rtoqlashishi mumkin.
Muloqot jarayonida:
- frilanserlik platformalarida ishlashni nimadan boshlash kerakligi;
- frilanserlik platformalari orqali olingan foydani O‘zbekistondagi banklar orqali qanday qilib olish mumkinligi;
- muammolarni tezkor aniqlash va ularning yechimlarini izlash mexanizmlari haqida ma’lumotlarga ega bo‘lish mumkin.
Avvalroq Sherzod Shermatov SAP kompaniyasiga O‘zbekistonda mintaqaviy ofisini ochish taklif qilgani haqida xabar berilgan edi.
Izoh (0)