Ахборот технологиялари ва коммуникацияларини ривожлантириш вазири Шерзод Шерматов билан онлайн тарзда очиқ мулоқот бўлиб ўтади. Бу ҳақда вазирлик матбуот хизмати хабар берди.
Очиқ мулоқот Ўзбекистонда фрилансерлик фаолияти ҳақида бўлиб, у 3 июнь куни соат 10:00 да бошланади.
Суҳбатда ҳар бир иштирокчи вазирга ўзини қизиқтирган саволни бериши, фаолият жараёнидаги муаммоларни муҳокама қилиши, шунингдек, ўз иш тажрибаси билан ўртоқлашиши мумкин.
Мулоқот жараёнида:
- фрилансерлик платформаларида ишлашни нимадан бошлаш кераклиги;
- фрилансерлик платформалари орқали олинган фойдани Ўзбекистондаги банклар орқали қандай қилиб олиш мумкинлиги;
- муаммоларни тезкор аниқлаш ва уларнинг ечимларини излаш механизмлари ҳақида маълумотларга эга бўлиш мумкин.
Аввалроқ Шерзод Шерматов SAP компаниясига Ўзбекистонда минтақавий офисини очиш таклиф қилгани ҳақида хабар берилган эди.
Изоҳ (0)