Toshkent metrosining 15 ta bekatidagi 2-vestibyullar ishlash vaqti tungacha uzaytirildi

Metro yo‘lovchilariga qulaylik yaratish, xizmat ko‘rsatish sifatini oshirish maqsadida 2022-yilning 1-iyun sanasidan boshlab Toshkent metropolitenining bir qator metro bekatlarida vestibyullarning ishlash vaqti uzaytiriladi. Bu haqda “Toshkent metropoliteni” DUK xabar qildi.

Qayd etilishicha, ayrim metro bekatlarining 2-vestibyuli (kirish va chiqish qismi) tonggi soat 05:00 dan kech soat 00:00 ga qadar yo‘lovchilarga xizmat ko‘rsatadi. Bular:

• “Hamid Olimjon”;
• “Pushkin”;
• “Mirzo Ulug‘bek”;
• “Oybek”;
• “Beruniy”;
• “Abdulla Qodiriy”;
• “Novza”;
• “Toshkent”;
• “Kosmonavtlar”;
• “Chorsu”;
• “Tinchlik”;
• “Turkiston”;
• “Shahriston”;
• “Bodomzor”;
• “Minor”.

Avvalroq “O‘zbekiston” yo‘nalishida harakatlangan metro vagonida chiroq o‘chib qolgani, Toshkent metropoliteni Olmazor bekatidagi o‘rindiqlar bo‘yicha izoh bergani, suv o‘tgan stansiyalar kunlar isigandan keyin ta’mirlanishini haqida ma’lumot berilgan.