Korrupsiyaga qarshi kurashish agentligida 2022-yil birinchi chorak holatiga soliq imtiyoziga ega bo‘lgan korxonalar haqidagi ma’lumotlar joylashtirildi.
Ma’lum bo‘lishicha, amaldagi qonunchilikda belgilangan tartiblarga asosan mazkur davrda mamlakatda jami 44 183 ta korxona soliq imtiyozlaridan foydalangan bo‘lib, uning umumiy qiymati 9 trln so‘mdan ziyodni tashkil etadi.
Soliq imtiyozlari 7 turdagi soliqlar bo‘yicha berilgan va ularning salmoqli qismi qo‘shilgan qiymat solig‘i (QQS) hissasiga to‘g‘ri keladi (93,5 foiz).
Keyingi o‘rinlardan jismoniy shaxslardan olinadigan daromad solig‘i (1,6 foiz), foyda solig‘i (1,6 foiz), yer solig‘i (1,3 foiz), ijtimoiy soliq (1 foiz), mol-mulk solig‘i (0,6 foiz) va aylanmadan olinadigan soliqlar (0,3 foiz) joy olgan.
Soliq imtiyoziga ega bo‘lganlar ro‘yxatida mulkchilik shakli turlicha bo‘lgan soliq to‘lovchilar mavjud. Ro‘yxatda davlat korxonalari, xususiy tadbirkorlik subyektlari, qo‘shma korxonalar, aksiyadorlik jamiyatlari hamda xorijiy kompaniyalar qayd etilgan.
Sohalar kesimi bo‘yicha tog‘-kon sanoati, bank, transport, farmatsevtika, kommunal xizmat ko‘rsatish, neft-gaz qazib chiqarish, energetika, sug‘urta, tibbiyot, qurilish, dam olish, sport va boshqa yo‘nalishlarda faoliyat yuritgan korxonalar imtiyozlardan foydalangan.
Eng ko‘p qo‘llanilgan imtiyoz jismoniy shaxslardan olinadigan daromad solig‘i bo‘lib, undan 16 565 ta yoki 37,7 foiz korxona foydalangan.
Eng kam imtiyoz qo‘llanilgan soliq turi esa foyda solig‘i sanaladi, ushbu imtiyozdan 772 ta yoki 1,7 foiz korxona foydalangan.
Eng ko‘p miqdorda soliq imtiyozlariga ega bo‘lgan top-20 korxonalar:
Mol-mulk solig‘i bo‘yicha imtiyozga ega bo‘lgan top-10 korxona:
QQS bo‘yicha imtiyozga ega bo‘lgan top-10 korxona:
Ijtimoiy soliq bo‘yicha imtiyozga ega bo‘lgan top-10 korxona:
Jismoniy shaxslardan olinadigan daromad solig‘i bo‘yicha imtiyozga ega bo‘lgan top-10 korxona:
Aylanmadan olinadigan soliq bo‘yicha imtiyozga ega bo‘lgan top-10 korxona:
Foyda solig‘i bo‘yicha imtiyozga ega bo‘lgan top-10 korxona:
Yer solig‘i bo‘yicha imtiyozga ega bo‘lgan top-10 korxona:
Shunigdek, ma’lumotda soliq imtiyoziga ega bo‘lib, umuman soliq to‘lamagan korxonalar ham mavjud. Ular imtiyozga ega bo‘lgan jami soliq to‘lovchilarning 35 foiz yoki 15 478 tani tashkil etadi.
O‘rganish davrida bunday korxonalarning jami soliq imtiyozlari miqdori 3 trln so‘mdan ziyodni tashkil etgan. Quyida ushbu korxonalar o‘nligi hamda ular ega bo‘lgan soliq imtiyozining miqdori va turi aks etgan.
Avvalroq O‘zbekiston tovar yoki moliya bozorida ustun mavqega ega korxonalar ro‘yxati e’lon qilingan edi.
Izoh (0)