Ўзбекистонда солиқ имтиёзига эга бўлган корхоналар маълум бўлди (фото)

Коррупцияга қарши курашиш агентлигида 2022 йил биринчи чорак ҳолатига солиқ имтиёзига эга бўлган корхоналар ҳақидаги маълумотлар жойлаштирилди.

Маълум бўлишича, амалдаги қонунчиликда белгиланган тартибларга асосан мазкур даврда мамлакатда жами 44 183 та корхона солиқ имтиёзларидан фойдаланган бўлиб, унинг умумий қиймати 9 трлн сўмдан зиёдни ташкил этади.

Солиқ имтиёзлари 7 турдаги солиқлар бўйича берилган ва уларнинг салмоқли қисми қўшилган қиймат солиғи (ҚҚС) ҳиссасига тўғри келади (93,5 фоиз).

Кейинги ўринлардан жисмоний шахслардан олинадиган даромад солиғи (1,6 фоиз), фойда солиғи (1,6 фоиз), ер солиғи (1,3 фоиз), ижтимоий солиқ (1 фоиз), мол-мулк солиғи (0,6 фоиз) ва айланмадан олинадиган солиқлар (0,3 фоиз) жой олган.

Солиқ имтиёзига эга бўлганлар рўйхатида мулкчилик шакли турлича бўлган солиқ тўловчилар мавжуд. Рўйхатда давлат корхоналари, хусусий тадбиркорлик субъектлари, қўшма корхоналар, акциядорлик жамиятлари ҳамда хорижий компаниялар қайд этилган.

Соҳалар кесими бўйича тоғ-кон саноати, банк, транспорт, фармацевтика, коммунал хизмат кўрсатиш, нефть-газ қазиб чиқариш, энергетика, суғурта, тиббиёт, қурилиш, дам олиш, спорт ва бошқа йўналишларда фаолият юритган корхоналар имтиёзлардан фойдаланган.

Энг кўп қўлланилган имтиёз жисмоний шахслардан олинадиган даромад солиғи бўлиб, ундан 16 565 та ёки 37,7 фоиз корхона фойдаланган.

Энг кам имтиёз қўлланилган солиқ тури эса фойда солиғи саналади, ушбу имтиёздан 772 та ёки 1,7 фоиз корхона фойдаланган.

Энг кўп миқдорда солиқ имтиёзларига эга бўлган топ-20 корхоналар:

Мол-мулк солиғи бўйича имтиёзга эга бўлган топ-10 корхона:

ҚҚС бўйича имтиёзга эга бўлган топ-10 корхона:

Ижтимоий солиқ бўйича имтиёзга эга бўлган топ-10 корхона:

Жисмоний шахслардан олинадиган даромад солиғи бўйича имтиёзга эга бўлган топ-10 корхона:

Айланмадан олинадиган солиқ бўйича имтиёзга эга бўлган топ-10 корхона:

Фойда солиғи бўйича имтиёзга эга бўлган топ-10 корхона:

Ер солиғи бўйича имтиёзга эга бўлган топ-10 корхона:

Шунигдек, маълумотда солиқ имтиёзига эга бўлиб, умуман солиқ тўламаган корхоналар ҳам мавжуд. Улар имтиёзга эга бўлган жами солиқ тўловчиларнинг 35 фоиз ёки 15 478 тани ташкил этади.

Ўрганиш даврида бундай корхоналарнинг жами солиқ имтиёзлари миқдори 3 трлн сўмдан зиёдни ташкил этган. Қуйида ушбу корхоналар ўнлиги ҳамда улар эга бўлган солиқ имтиёзининг миқдори ва тури акс этган.

Аввалроқ Ўзбекистон товар ёки молия бозорида устун мавқега эга корхоналар рўйхати эълон қилинган эди.