Mariupol epidemiya yoqasida, Kiyev 1540 yoshda. Urushning 95-kunidan fotoreportaj
29-may kuni Kiyev shahrining tashkil topganiga 1540 yil to‘ldi. Shahar markazidagi Mixaylovskaya maydonida kiyevliklarga rus armiyasining ishdan chiqarilgan texnikalari tomoshaga qo‘yildi. Ukraina prezidenti Vladimir Zelenskiy Xarkov viloyatiga tashrif buyurdi — bu uning urush boshlanganidan beri Kiyev viloyatidan tashqariga birinchi rasmiy safari bo‘ldi. O‘sha kuni Xarkov yana rus qo‘shinlari tomonidan o‘qqa tutildi — bu Zelenskiyning tashrifidan oldin yuz berganmi, tashrif davomidami yoki undan keyinmi, aniqlik kiritilmagan. Mariupol shahar kengashi deputati Aleksandr Lashinning so‘zlariga ko‘ra, shahar jazirama va ko‘chalardagi suv toshqini tufayli epidemiya yoqasida turibdi (toshqinlar Rossiya kuchlari shaharni suv bilan ta’minlashga harakat qilganda yuzaga kelgan). Meduza urushning to‘qson beshinchi kuniga oid asosiy fotosuratlarini to‘pladi.
Xarkov viloyati
29-may kuni Xarkov yana o‘qqa tutildi, deya xabar qildi shahar meri Igor Terexov.Foto: AFP
Urush paytida Xarkov shahri va viloyatidagi 2229 ta uy vayron bo‘lgan. Bu haqda prezident Vladimir Zelenskiy Xarkovga tashrifi chog‘ida vayron bo‘lgan mahallalarni borib ko‘rgan vaqtda ma’lum qilindi. Zelenskiy uylarni tiklash bo‘yicha yig‘ilish o‘tkazgan va Xarkov mudofaasidagi ukrainalik harbiylarni mukofotlagan.Foto: AFP
Zelenskiy Ukraina harbiylarining front chizig‘iga yaqin pozitsiyalariga ham tashrif buyurdi. Reuters xabariga ko‘ra, bu Zelenskiyning 24-fevraldan beri Kiyev viloyatidan tashqariga birinchi rasmiy chiqishidir.Foto: Ukrainian Presidential Press Service
Kechki nutqida Zelenskiy “Xarkov meri, armiya, politsiya, viloyat davlat ma’muriyati – hammasi g‘alaba uchun astoydil ishlayotganini va buni samarali uddalayotganini” aytdi. Biroq, u viloyat Xafvsizlik xizmati rahbari Roman Dudinni ishdan bo‘shatdi, bunga sabab sifatida uning “urushning birinchi kunlaridanoq shaharni himoyalash uchun ishlamagani, balki faqat o‘zini o‘ylagani” aytildi.Foto: AP Photo
Mariupol
Mariupol shahar kengashi deputati Aleksandr Lashin “Nastoyashee vremya” telekanaliga shaharda “dahshatli muhit” hukm surayotganini aytdi. Uning so‘zlariga ko‘ra, Mariupolda elektr yo‘q, Rossiya kuchlari suv bermoqchi bo‘lganida ko‘chalarni suv bosgan. Shahar aholisi o‘z yaqinlarini dafn qilgan ko‘plab qabrlarni suv olib ketgan.Foto: AFP
Kiyev
Kiyevliklar Mixaylovskaya maydoniga to‘planib, ishdan chiqarilgan rus tanklari va zirhli texnikalarini tomosha qildi. 29-may kuni shaharda Kiyev kuni munosabati bilan tadbirlar bo‘lib o‘tdi.Foto: Getty Images
Ukrainalik harbiylar elektrosamokatda.Foto: AP Photo
Mixayl sobori yaqinidagi maydonda namoyishga qo‘yilgan rus raketalarini tomosha qilayotgan qizcha.Foto: Reuters
Andryev cherkovida syomka qilayotgan erkaklar.Foto: Getty Images
Kiyevlik yigit ishdan chiqarilgan rus tanki ustida Ukraina bayrog‘ini ko‘tarib turibdi.Foto: AP Photo
Izoh (0)