29 май куни Киев шаҳрининг ташкил топганига 1540 йил тўлди. Шаҳар марказидаги Михайловская майдонида киевликларга рус армиясининг ишдан чиқарилган техникалари томошага қўйилди. Украина президенти Владимир Зеленский Харьков вилоятига ташриф буюрди — бу унинг уруш бошланганидан бери Киев вилоятидан ташқарига биринчи расмий сафари бўлди. Ўша куни Харьков яна рус қўшинлари томонидан ўққа тутилди — бу Зеленскийнинг ташрифидан олдин юз берганми, ташриф давомидами ёки ундан кейинми, аниқлик киритилмаган. Мариупол шаҳар кенгаши депутати Александр Лашиннинг сўзларига кўра, шаҳар жазирама ва кўчалардаги сув тошқини туфайли эпидемия ёқасида турибди (тошқинлар Россия кучлари шаҳарни сув билан таъминлашга ҳаракат қилганда юзага келган). Meduza урушнинг тўқсон бешинчи кунига оид асосий фотосуратларини тўплади.
Харьков вилояти
29 май куни Харьков яна ўққа тутилди, дея хабар қилди шаҳар мери Игорь Терехов.Фото: AFP
Уруш пайтида Харьков шаҳри ва вилоятидаги 2229 та уй вайрон бўлган. Бу ҳақда президент Владимир Зеленский Харьковга ташрифи чоғида вайрон бўлган маҳаллаларни бориб кўрган вақтда маълум қилинди. Зеленский уйларни тиклаш бўйича йиғилиш ўтказган ва Харьков мудофаасидаги украиналик ҳарбийларни мукофотлаган.Фото: AFP
Зеленский Украина ҳарбийларининг фронт чизиғига яқин позицияларига ҳам ташриф буюрди. Reuters хабарига кўра, бу Зеленскийнинг 24 февралдан бери Киев вилоятидан ташқарига биринчи расмий чиқишидир.Фото: Ukrainian Presidential Press Service
Кечки нутқида Зеленский «Харьков мери, армия, полиция, вилоят давлат маъмурияти – ҳаммаси ғалаба учун астойдил ишлаётганини ва буни самарали уддалаётганини» айтди. Бироқ, у вилоят Хафвсизлик хизмати раҳбари Роман Дудинни ишдан бўшатди, бунга сабаб сифатида унинг «урушнинг биринчи кунлариданоқ шаҳарни ҳимоялаш учун ишламагани, балки фақат ўзини ўйлагани» айтилди.Фото: AP Photo
Мариупол
Мариупол шаҳар кенгаши депутати Александр Лашин «Настояшее время» телеканалига шаҳарда «даҳшатли муҳит» ҳукм сураётганини айтди. Унинг сўзларига кўра, Мариуполда электр йўқ, Россия кучлари сув бермоқчи бўлганида кўчаларни сув босган. Шаҳар аҳолиси ўз яқинларини дафн қилган кўплаб қабрларни сув олиб кетган.Фото: AFP
Киев
Киевликлар Михайловская майдонига тўпланиб, ишдан чиқарилган рус танклари ва зирҳли техникаларини томоша қилди. 29 май куни шаҳарда Киев куни муносабати билан тадбирлар бўлиб ўтди.Фото: Getty Images
Украиналик ҳарбийлар электросамокатда.Фото: AP Photo
Изоҳ (0)