Telegram pullik akkauntlarni ishga tushirishga tayyorlanmoqda. Bu haqda “Telegram info” kanali ma’lum qildi.
Pullik obuna bo‘lgan foydalanuvchilar bir qator imtiyozlarga ega bo‘ladi. Uning asosiy xususiyatlari ism yonidagi maxsus belgi, to‘liq ekranli stikerlar va qo‘shimcha reaksiyalar bo‘ladi.
Ba’zi elementlar uchun qo‘yilgan son chegarasi ikki baravarga oshiriladi. Masalan:
- papkadagi chatlar soni (100 → 200);
- kanallar va superguruhlarni cheklash (500 → 1000);
- papkalar soni (10 → 20);
- asosiy tasmadagi (5 → 10) va papka ichidagi (100 → 200) mahkamlangan dialoglar soni;
- kanal va superguruhlar uchun ochiq havolalar soni (10 → 20);
- sevimli stikerlar soni (5 → 10).
Pullik hisoblar qachon ishga tushishi va ularning qanchaga tushishi hozircha noma’lum.
Avvalroq Telegram jamoasi ilovaning yangi versiyasini taqdim qilgani haqida xabar berilgan edi.
Izoh (0)