Oq uy: Rossiyaning defolti global iqtisodiyotga ta’sir ko‘rsatmaydi

Agar Rossiya defolt bo‘lsa, bu AQSH va jahon iqtisodiyotiga minimal ta’sir qiladi, dedi Oq uy matbuot kotibi Karine Jan-Pyer. Shu hafta AQSH Rossiya davlat qarziga xizmat ko‘rsatgan litsenziyani uzaytirmaslikka qaror qildi. Bu haqda “Kommersant” xabar bermoqda. 

Brifing chog‘ida Jan-Pyer xonim AQSH rasmiylarining litsenziyani uzaytirishdan bosh tortishi Rossiyaning o‘z qarz majburiyatlari bo‘yicha defoltga uchrashi ehtimoli borligini tushuntirdi. 

Rossiya allaqachon moliyaviy izolyatsiya holatida bo‘lganini hisobga olsak, uning AQSH va jahon iqtisodiyotiga ta’siri minimal bo‘lishini kutamiz, — dedi Jan-Pyer. 

G‘aznachilik vaziri Anton Siluanov, AQSH Moliya vazirligi unga xizmat ko‘rsatish litsenziyasini yangilamaganidan keyin ham Rossiya davlat qarziga xizmat ko‘rsatishda davom etishiga va’da berdi. 

Vazirning so‘zlariga ko‘ra, Rossiya texnik defolt deb e’lon qilingan taqdirda ham, rossiyaliklar uchun hech narsa o‘zgarmaydi.

AQSH litsenziyasi yo‘qligi sababli Rossiya o‘z qimmatli qog‘ozlari egalariga butun dunyo bo‘ylab dollarda to‘lay olmaydi va boshqa valyutalarda hech bo‘lmaganda AQSHda to‘lovlarni amalga oshira olmaydi. 

Birinchi rubl to‘lovi 6-aprelda amalga oshirilgan edi. Bloomberg agentligining xabar berishicha, 24-iyun kuni dollar qimmatli qog‘ozlari bo‘yicha to‘lov muqobil variantlarsiz qabul qilinishi rejalashtirilgan.