Navoiy viloyati Karmana tumanida 29 ta bosh qo‘yni Damas mashinasida olib ketayotgan haydovchi aniqlandi. Bu haqda viloyat Ichki ishlar boshqarmasi xabar qildi.
Qayd etilishicha, Karmana tumanining “Paxtaobod” mahallasida IIB xodimlari tomonidan nazorat-reyd tadbirlari o‘tkazilgan. Jarayon davomida Damas mashinasi YPX xodimining to‘xtash ishorasiga bo‘ysunmay harakatlangan. Kuzatib borilgan transport vositasi haydovchisi begona xonadon hovli darvozasidan kirib to‘xtagan. Shundan so‘ng uning shaxsiga aniqlik kiritilgan.
G‘ijduvonlik haydovchi avtomashinani hech qanday hujjatsiz boshqarib kelayotgani ma’lum bo‘lgan. Damas ichidan 29 bosh qo‘y topilgan.
Holat yuzasidan qoidabuzarga nisbatan tegishli chora ko‘rilgan.
Izoh (0)