Навоий вилояти Кармана туманида 29 та бош қўйни Damas машинасида олиб кетаётган ҳайдовчи аниқланди. Бу ҳақда вилоят Ички ишлар бошқармаси хабар қилди.
Қайд этилишича, Кармана туманининг «Пахтаобод» маҳалласида ИИБ ходимлари томонидан назорат-рейд тадбирлари ўтказилган. Жараён давомида Damas машинаси ЙПХ ходимининг тўхташ ишорасига бўйсунмай ҳаракатланган. Кузатиб борилган транспорт воситаси ҳайдовчиси бегона хонадон ҳовли дарвозасидан кириб тўхтаган. Шундан сўнг унинг шахсига аниқлик киритилган.
Ғиждувонлик ҳайдовчи автомашинани ҳеч қандай ҳужжатсиз бошқариб келаётгани маълум бўлган. Damas ичидан 29 бош қўй топилган.
Ҳолат юзасидан қоидабузарга нисбатан тегишли чора кўрилган.
Изоҳ (0)