“Mo‘ynali yopinchiqdan qo‘lansa hid kelardi”. Taniqli aktyor va aktrisalarning butun dunyoga mashhur bo‘lgan rollar haqida fikrlari (foto)

Aktyorlikning ham boshqa har qanday ish kabi afzalliklari va kamchiliklari bor. Biroq omadli yulduzlarning hayoti tashqi tomondan ko‘ringanidek oson emas, ko‘pincha ekranda ko‘rsatilganidan farq qiladi.

“Bu men ko‘rgan eng yomon soch turmagi edi”

Hech qaysi soch turmagi “Do‘stlar”dagi Reychel Grinning kaskadli soch turmagi kabi e’tiborni jalb qilmagan. Jennifer Enistonning o‘zi qahramonining bu obrazidan qoniqmagan. Sitkomni suratga olish tugaganidan bir necha yil o‘tgach, aktrisa bu u ko‘rgan eng yomon soch turmagi ekanini tan oldi.

“Rolni qo‘ldan chiqarmaslik uchun tez-tez tabassum qilishim kerak edi”

Robert Pattinson shu nomdagi romanlar turkumiga asoslangan mashhur “Sumerki”dagi vampir roli bilan mashhur bo‘ldi. Britaniyalik aktyorning aytishicha, undan kitobdagi ma’yus qahramonning yanada quvnoq obrazini yaratishi kutilgan. Biroq u o‘ychan va sirli obrazni tanlaydi. Vaziyat shu darajaga yetadiki, agentlar Pattinsonga: “Yoki hammasini teskarisini qilasan yoki bugunoq ishdan bo‘shatilasan” deb ogohlantirish bergan.

“Semiz” kostyumda o‘zimni kamsitilgandek his qilganman”

2001-yilda Gvinet Peltrou “Sevgi — yomon” filmida Rozmari rolini o‘ynashi uchun “semiz” kostyum kiyishi kerak edi. Bir necha yil o‘tgach, aktrisa filmning suratga olish jarayonlaridan norozi bo‘lib, uni omadsiz deb atadi. Uning so‘zlariga ko‘ra, suratga olishning birinchi kunidayoq bu kiyimda o‘zini noqulay his qila boshlagan: “Bu yoqimsiz manzara edi. O‘zimni juda noqulay his qilardim. O‘zimni kamsitilgandek his qilganman”.

“Mo‘ynali yopinchiqdan qo‘lansa hid kelardi”

Kit Xarington bir necha yil davomida dunyoga mashhur “Taxtlar o‘yini” serialining bosh qahramonlaridan biri Jon Snou rolini o‘ynadi. Vinterfellning sovuq yerlaridan kelgan qahramon ko‘pincha qora mo‘ynali kiyimda ko‘rinish beradi. Biroq intervyularidan birida aktyor kiyimidan shikoyat qiladi: “Uning og‘irligi bir tonnaga yaqin bo‘lib, dahshatli darajada sassiq edi. Bu kiyim yil sayin yanada og‘irlashayotgandek tuyulardi”.

Aktrisadan chiroyli yig‘lashni so‘rashgan

2007-yilda Jessika Alba “Fantastik to‘rtlik” filmida bosh qahramonlardan birini o‘ynagan. 3 yildan so‘nggina yulduz mazkur filmning suratga olish jarayoni unga yoqmaganini aytdi, chunki rejissor uning yuz ifodasini doimo tanqid qilgan va hatto undan chiroyli yig‘lashni ham so‘ragan: “Bularning barchasi juda real ko‘rinadi, ammo aslida juda ahmoqona bo‘lgan. Yig‘laganingizda yoqimli ko‘rinishga harakat qila olasizmi? Shunchaki bunday paytda his-tuyg‘ularni o‘chirib turish kerak”.

“Sochlarimni har hafta sariq rangga bo‘yardim”

Tom Felton Garri Potter franshizasida mallasoch bola — yaramas Drako Malfoy rolini o‘ynagan. Aktyorning sochlari aslida jigarrang, roli uchun o‘ziga yoqmasa ham sariqqa bo‘yashi kerak edi. Intervyularining birida Felton har hafta sochini bo‘yagani, franshizaning suratga olish ishlari yakunlanganida esa yengil nafas olganini aytadi.