So‘nggi 10 yil ichida namoyish etilgan turk seriallaridagi eng mashhur juftliklar (foto)

Turk seriallarining dunyo bo‘ylab namoyish etilishi yil sayin ommalashib bormoqda. Har tomonlama hayajonli sujet, ajoyib aktyorlik mahorati va eng muhimi, bosh qahramonlarning mukammal tandemlari tufayli ham ular tomoshabinlar qalbini zabt etyapti.

Har bir turk serialida har doim butun loyiha uchun muvaffaqiyatni ta’minlaydigan juftlikni ko‘rish mumkin. Ijtimoiy tarmoqlarda turk seriallariga bag‘ishlangan muxlislar orasida kichik so‘rovnoma o‘tkazildi. Uning natijalariga ko‘ra so‘nggi o‘n yil ichida eng mashhur serial juftliklari nomi aniqlandi, deb yozadi “KP.ru”.

Sulton Sulaymon va Xurram Sulton

Sulton Sulaymon va Xurram Sulton garchi so‘rovnomaga kiritilmagan bo‘lsa-da, ko‘plab tomoshabinlar ularni ham mashhur juftliklar qatoriga qo‘shdi.

Asli va Ferhat

Gap 2017-yilda chiqqan serialning bosh qahramonlari – “Qora oq muhabbat” haqida bormoqda. Bosh rollarni Ibrohim Chelikkol va Birje Akalay ijro etgan. 2022-yilda ushbu aktyorlar ishtirokidagi yangi “Qushlar parvozi” seriali chiqdi.

Asli odamlarga kasbi yuzasidan yordam beradigan shifokor. Ferhat esa aksincha, inson hayotining qiymati uni qiziqtirmasligi ham mumkin. Asli bemorlardan biriga yordam berayotganda, tasodifan qotillikning guvohi bo‘lib qoladi va o‘lish navbati uning o‘ziga keladi. Ammo Ferhatning qo‘li uni o‘ldirish uchun ko‘tarilmaydi. Buning uchun u qizga imkoniyat beradi.

Usmon va Bala Xotun

Betakror O‘zge Torer va Burak O‘zchivit “Qurilish.Usmon” tarixiy dostonida Usmonlilar imperiyasining asoschisi va uning suyukli rafiqasi obrazlarini gavdalantirgan. Serial 2019-yilda efirga uzatila boshlandi va hozirgacha turk reytinglarining eng yuqori pog‘onasida.

Ularning munosabatlari oddiy sevgi hikoyasi emas, bu tarixda qolgan juftlik haqidagi samimiy hikoyadir. Bala Xotun— jasur jangchi bo‘lsa-da, qalban sodda qiz, sevikli yorining baxti uchun uning ikkinchi xotinini qabul qilib, kundoshi bilan dugona bo‘ladi. Usmon Ertug‘rulning o‘g‘li bo‘lib, unga nafaqat dushmanga qarshi kurashish, balki ota va er bo‘lish mas’uliyati ham yuklangan. Ularning sevgi hikoyasi noziklik, g‘amxo‘rlik va sadoqatga limmo-lim.

Nare va Sanjar

2019-yilda namoyish etilgan “Elchining qizi” seriali katta muvaffaqiyatga erishdi. Loyihada bosh rollarni Neslihan Atagul va Engin Akyurek ijro etgan. Keyinchalik Neslihanning qahramonini Tuba Buyukustun ijro etdi.

Bu kartina shunchaki bitta baxtsiz sevgining hikoyasi emas. Bu juda kuchli ruhiy jarohatga uchragan ayolning hayoti haqidagi hikoya, u bolasini va suyukli odamini o‘zi uchun tashlab ketgan. Nare — baxtsiz va yolg‘iz qiz, Sanjar esa juda ham mag‘rur erkak. Afsuski, ular o‘zlarining his-tuyg‘ulariga qaramay, baxtga erisha olmaydi.

Nihon va Kamol

“Sevgi iztirobi” nomli drama 2014-yilda namoyish etilgan bo‘lsa-da, haligacha mashhurligini yo‘qotmagan. Neslihan Atagul va Burak O‘zchivit tandemi tomoshabinlarga juda ham yoqadi.

Turli ijtimoiy tabaqadagi odamlar haqiqatan ham baxtli bo‘lishi mumkinmi? Ushbu hikoyaga ko‘ra, yo‘q. Kamol va Nihon har doim birga bo‘lish uchun hamma narsaga tayyor. Ular shunchalik ko‘p azob va qiyinchiliklarni boshdan kechirishlari kerak bo‘ldi, boshqa odamlarning hasadi va ochko‘zligi ularning orzu-umidlarini bir zumda yo‘qqa chiqardi.

Zehra va Serdar

“Razvedka” (“Tashkilot”) turk seriali 2021-yilda namoyish etildi va shu zahoti tomoshabinlarning ko‘plab ijobiy fikrlariga sabab bo‘ldi. Chag‘lar Ertug‘rul va Deniz Baysalning bir-biriga monand tandemlari ushbu loyihaga o‘zgacha jo‘shqinlik baxsh etdi. Albatta, boshqa aktyorlar ishtirokida serialni tasavvur qilishning iloji yo‘q.

Ular o‘ta xavfli vazifalarni bajarish yuklangan harbiy qism xodimlaridir. Ularning ishlarida shubha, achinish va qo‘rquvga o‘rin yo‘q. Shuningdek, u yerda sevgi ham bo‘lishi mumkin emas. Ammo bir kun kelib, bosh qahramonlar bir-biri bilan shunchaki partnyor emasligini tushunadi.

Miran va Reyyan

Aynan 2019-yilda namoyish etilgan “Beqaror” seriali Ebru Shahin va Akin Akinezga dunyo bo‘ylab mashhurlik keltirdi. Ularning ekrandagi his-tuyg‘ulari shu qadar haqiqiy ediki, serialning ko‘plab muxlislari juftlikning haqiqiy ishqiy munosabatda ekanligiga shubha qilmay qo‘ygan. Biroq mish-mishlar o‘z tasdig‘ini topmadi va Ebru yaqinda unashtirildi.

Qasos o‘ti ba’zan odamni dahshatli ishlarni qilishga majbur qiladi. Ammo Miranning turmush qurish qarori oilaviy sirni ochilishiga sabab bo‘lishini taxmin qilish qiyin. Eng qudratli ikki oila urush yo‘lidan boradi va ular orasida oshiq bo‘lgan baxtsiz qiz azob chekadi.

Eda va Serkan

Albatta, “Eshigimni qoq” 2020-yil romantik komediyasining bosh qahramonlarini haqli ravishda eng mashhur juftlik deb atash mumkin. Partnyor Xande Erchel va Kerem Bursinning o‘zlari ham xuddi qahramonlari kabi munosabatda bo‘lgani esa kartinani yanada mashhur qildi.

Mutlaqo kutilmagan natijaga olib kelgan bitim tuzgan boy tadbirkor va kambag‘al qiz haqidagi go‘zal hikoya. Albatta, bu barcha mashhur serial juftliklarining to‘liq ro‘yxati emas. Biroq bu turk kino olamiga ozgina bo‘lsa-da qiziqqan har bir inson tomonidan e’tirof etilgan tandemlardir.