«Мўйнали ёпинчиқдан қўланса ҳид келарди». Таниқли актёр ва актрисаларнинг бутун дунёга машҳур бўлган роллар ҳақида фикрлари (фото)

Актёрликнинг ҳам бошқа ҳар қандай иш каби афзалликлари ва камчиликлари бор. Бироқ омадли юлдузларнинг ҳаёти ташқи томондан кўринганидек осон эмас, кўпинча экранда кўрсатилганидан фарқ қилади.

«Бу мен кўрган энг ёмон соч турмаги эди»

Ҳеч қайси соч турмаги «Дўстлар»даги Рейчел Гриннинг каскадли соч турмаги каби эътиборни жалб қилмаган. Женнифер Энистоннинг ўзи қаҳрамонининг бу образидан қониқмаган. Ситкомни суратга олиш тугаганидан бир неча йил ўтгач, актриса бу у кўрган энг ёмон соч турмаги эканини тан олди.

«Ролни қўлдан чиқармаслик учун тез-тез табассум қилишим керак эди»

Роберт Паттинсон шу номдаги романлар туркумига асосланган машҳур «Сумерки»даги вампир роли билан машҳур бўлди. Британиялик актёрнинг айтишича, ундан китобдаги маъюс қаҳрамоннинг янада қувноқ образини яратиши кутилган. Бироқ у ўйчан ва сирли образни танлайди. Вазият шу даражага етадики, агентлар Паттинсонга: «Ёки ҳаммасини тескарисини қиласан ёки бугуноқ ишдан бўшатиласан» деб огоҳлантириш берган.

«Семиз» костюмда ўзимни камситилгандек ҳис қилганман»

2001 йилда Гвинет Пелтроу «Севги — ёмон» фильмида Розмари ролини ўйнаши учун «семиз» костюм кийиши керак эди. Бир неча йил ўтгач, актриса фильмнинг суратга олиш жараёнларидан норози бўлиб, уни омадсиз деб атади. Унинг сўзларига кўра, суратга олишнинг биринчи кунидаёқ бу кийимда ўзини ноқулай ҳис қила бошлаган: «Бу ёқимсиз манзара эди. Ўзимни жуда ноқулай ҳис қилардим. Ўзимни камситилгандек ҳис қилганман».

«Мўйнали ёпинчиқдан қўланса ҳид келарди»

Кит Харингтон бир неча йил давомида дунёга машҳур «Тахтлар ўйини» сериалининг бош қаҳрамонларидан бири Жон Сноу ролини ўйнади. Винтерфеллнинг совуқ ерларидан келган қаҳрамон кўпинча қора мўйнали кийимда кўриниш беради. Бироқ интервьюларидан бирида актёр кийимидан шикоят қилади: «Унинг оғирлиги бир тоннага яқин бўлиб, даҳшатли даражада сассиқ эди. Бу кийим йил сайин янада оғирлашаётгандек туюларди».

Актрисадан чиройли йиғлашни сўрашган

2007 йилда Жессика Альба «Фантастик тўртлик» фильмида бош қаҳрамонлардан бирини ўйнаган. 3 йилдан сўнггина юлдуз мазкур фильмнинг суратга олиш жараёни унга ёқмаганини айтди, чунки режиссёр унинг юз ифодасини доимо танқид қилган ва ҳатто ундан чиройли йиғлашни ҳам сўраган: «Буларнинг барчаси жуда реал кўринади, аммо аслида жуда аҳмоқона бўлган. Йиғлаганингизда ёқимли кўринишга ҳаракат қила оласизми? Шунчаки бундай пайтда ҳис-туйғуларни ўчириб туриш керак».

«Сочларимни ҳар ҳафта сариқ рангга бўярдим»

Том Фелтон Гарри Поттер франшизасида малласоч бола — ярамас Драко Малфой ролини ўйнаган. Актёрнинг сочлари аслида жигарранг, роли учун ўзига ёқмаса ҳам сариққа бўяши керак эди. Интервьюларининг бирида Фелтон ҳар ҳафта сочини бўягани, франшизанинг суратга олиш ишлари якунланганида эса енгил нафас олганини айтади.