AQSH Moliya vazirligi Rossiyaga tashqi qarzini to‘lash imkonini beruvchi 9C bosh litsenziyasini yangilamaydi. Bu haqda Xorijiy aktivlarni nazorat qilish departamenti (OFAC) saytida xabar qilindi.
Litsenziyaning amal qilish muddati 25-may kuni Moskva vaqti bilan soat 07:01 da tugadi.
Bu qaror Rossiyani tashqi qarz bo‘yicha ehtimoliy defoltga yaqinlashtiradi.
AQSH banklari va fuqarolariga Rossiya obligatsiyalari bo‘yicha to‘lovlar olish taqiqlanadi, — deb ta’kidladi OFAC.Rossiya banki sanksiyalar tufayli xalqaro zaxiralarining yarmidan mahrum bo‘ldi. Mart oyida Moliya vazirligi Rossiya umumiy aktivlari 640 mlrd dollarga teng bo‘lgan 300 mlrd dollarni tasarruf eta olmasligini aytdi.
Rossiya 1917-yilgi inqilobdan beri tashqi qarzni to‘lashdan bosh tortgani yo‘q. OFAC qaroriga qaramay, Rossiyada defoltdan qochish imkoniyati ham bor. Rossiya obligatsiyalari egalarining aksariyati Yevropada va defolt e’lon qilish uchun investorlar yetarli bo‘lmasligi mumkin.
27-may kuni Rossiya umumiy qiymati 100 mln dollarga yaqin to‘lovlarni olishi kerak: cheklovlarni kutgan holda Rossiya o‘tgan haftada pul o‘tkazmalarini boshladi.
Umuman olganda, mamlakat 2022-yilda taxminan 1 mlrd dollarga yaqin kupon to‘lovlarini to‘lashi kerak bo‘ladi. Hozirda u gaz, neft va boshqa tabiiy resurslarni sotishdan tushgan mablag‘ evaziga yetarlicha naqd xorijiy valyutaga ega.
Avvalroq Rossiyada defolt xavfi ortib borayotgani haqida xabar berilgan edi.
Izoh (0)