Shimoliy Koreya mamlakatda epidemiologik vaziyat barqarorlashayotganini ma’lum qildi, deb yozmoqda Reuters.
Shimoliy Koreya virus tarqalishining oldini olishda “muvaffaqiyat qozonganini” va 134 510 nafar yangi bemor qo‘shilganiga qaramay, 23-may oqshomida “bezgak”dan yangi o‘lim holatlari qayd etilmaganini xabar qildi.
Rasmiy Koreya markaziy telegraf axborot agentligi ma’lumotlariga ko‘ra, kasallikka chalinish bo‘yicha tasdiqlangan holatlar ketma-ket uchinchi kun 200 000 dan past bo‘ldi va kasallanganlar sonini e’lon qilish boshlangandan buyon birinchi marta yangi o‘lim holatlari qayd etilmadi.
Test o‘tkazish uchun zarur materiallardan mahrum Shimoliy Koreya aftidan koronavirusga chalingan odamlarning umumiy sonini tasdiqlamagan, aksincha, faqat bezgak belgilari bor bemorlar haqida xabar bergan. Koreya markaziy telegraf agentligi ma’lumotlariga ko‘ra, aprel oyining oxiridan beri bunday belgilar qayd etilgan odamlarning umumiy soni 2,95 millionga yetdi, qurbonlar soni esa 68 nafarni tashkil etmoqda.
24-may kuni Shimoliy Koreyada COVID-19 dan o‘lim darajasi 0,13 foizni tashkil etdi. Biroq ko‘plab tahlilchilar raqamlarning to‘g‘riligiga shubha bilan qaramoqda va bu raqamlar faqat izolyatsiyadagi mamlakatda koronavirus tarqalishining haqiqiy ko‘lamini baholash qanchalik qiyinligini ko‘rsatishini aytmoqda.
13-may kuni Shimoliy Koreyada COVID-19 dan birinchi o‘lim qayd etilgan edi. Shuningdek, mamlakatda koronavirus bilan kasallanganlar soni ikki millionga yaqinlashgani ma’lum.
Shu fonda Shimoliy Koreya yetakchisi Kim Chen In Siyosiy byuroning favqulodda yig‘ilishini o‘tkazib, Pxenyanda dori-darmon ta’minotini barqarorlashtirish uchun harbiylardan foydalanishni buyurdi.
Izoh (0)