Germaniya hukumati Rossiya gazini import qiluvchilarga, “Gazprombank” orqali rubl hisoblarini ochishi mumkinligini aytdi. Bu haqda Reuters xabar bermoqda.
Agentlik ma’lumotlariga ko‘ra, Italiya hukumati Yevrokomissiyadan Rossiya gazini qanday qilib sanksiyalarni buzmagan holda sotib olish bo‘yicha tushuntirishlar olgan va bu haqda kompaniyalarni xabardor qilgan.
Reuters agentligining qayd etishicha, Bryussel Rossiya gazini sanksiyalarni buzmagan holda sotib olish bo‘yicha ikkita ko‘rsatma bergan, biroq huquqiy mexanizm noaniqligicha qolmoqda.
Agentlik manbalarining fikricha, Yevrokomissiya kompaniyalar Rossiya gazini sotib olish imkoniyatiga ega bo‘lishlari uchun buni ataylab qilgan.
Rossiya sanksiyalar qo‘llanilishiga javoban gaz shartnomalari uchun to‘lov sxemasini o‘zgartirishni talab qildi. “Do‘st bo'lmagan mamlakatlar” sxemasi yevroning “Gazprombank”dagi hisob raqamiga o‘tkazilishi va rublga aylantirilishini nazarda tutadi.
Bolgariya va Polshaga talabni qondirishdan bosh tortgani uchun gaz yetkazib berish to‘xtatilgan.
Bugun, 21-may kuni Finlyandiyada ham shunday qaror qabul qilinishi kutilmoqda. Rossiya bosh vazir o‘rinbosari Aleksandr Novakning ta’kidlashicha, “Gazprom”dan gaz sotib oluvchi 54 xorijiy kompaniyaning yarmiga yaqini “Gazprombank”da hisob ochgan.
Avvalroq Yevropa Rossiya gazini sanksiyalarni buzmasdan sotib olish rejasini ishlab chiqqani haqida xabar berilgan edi.
Izoh (0)