Toshkent shahrida Samarqand darvoza va Qoratosh ko‘chalari kesishmasidagi chorrahada (mo‘ljal Samarqand darvoza savdo-ko‘ngilochar majmuasi) yo‘l ta’mirlash ishlari olib boriladi. Bu haqda shahar hokimligi xabar qildi.
Qayd etilishicha, 21-may kunidan mazkur chorrahada va unda keluvchi ko‘chalar (Samarqand darvoza, Ko‘kcha darvoza, Qoratosh)da bosqichma-bosqich yo‘l ta’mirlash ishlari olib boriladi. Ish jarayonida yo‘l yopilmaydi, balki ko‘chalarda avtotransport harakati qisman cheklanadi.
“Noqulayliklar uchun uzr so‘raymiz”, — deyiladi xabarda.
Avvalroq Toshkentdagi Nukus ko‘chasining bir qismi vaqtincha yopilishi, ta’mirlash ishlari sabab ayrim ko‘chalarda harakat vaqtincha cheklangani, 8-may soat 20:00 gacha ayrim ko‘chalar transportlar harakati uchun yopilishi haqida xabar berilgan.
Izoh (0)