Superliga. “Paxtakor” 99-daqiqada g‘alabani qo‘ldan chiqardi, “So‘g‘diyona” 6 ta gol urilgan o‘yindagi g‘alaba evaziga peshqadamga aylandi

Futbol bo‘yicha O‘zbekiston Superligasining 9-turidan o‘rin olgan ikki o‘yin 18-may, chorshanba kuni bo‘lib o‘tdi.

“Paxtakor” safarda “Qo‘qon-1912”ga qarshi bahs olib bordi. Uchrashuvning dastlabki daqiqalaridayoq qo‘qonliklar oldinga o‘tib olishi mumkin edi, biroq Murod Xolmuhammedov penaltidan unumli foydalana olmadi.

O‘yindagi gol 86-daqiqaga kelib ochildi: uzoq tanaffusdan so‘ng maydonga qaytgan Dragan Cheran “sherlar”ni oldinga olib chiqdi. Bahsga qo‘shib berilgan vaqtda yana “Paxtakor” darvozasi tomon penalti belgilandi. Uni Ivan Yosovich golga aylantirdi.

Yana bir o‘yin “Surxon” va “So‘g‘diyona” o‘rtasida kechdi. Unda jizzaxliklar irodali g‘alabani qo‘lga kiritdi. “So‘g‘diyona” safida Javohir Qahramonov dubl qayd etgan bo‘lsa, Xislat Xalilov va Shohruz Norxonov bittadan golga muallif bo‘ldi. Termiz klubi safida Murodbek Bobojonov va Sardor Qulmatov o‘z hisobiga gol yozdirib qo‘ydi.

7-turdan keyin musobaqa jadvali quyidagi ko‘rinishni oldi: