Farg‘ona viloyatining Marg‘ilon shahrida pul evaziga fuqaroni xorij davlatlariga ishga yuborishni va’da qilgan shaxs ushlandi, deb xabar beradi Bosh prokuratura huzuridagi departament.
Ma’lum qilinishicha, departamentning Marg‘ilon shahar bo‘limi tomonidan fuqarolarning huquq va manfaatlarini himoya qilish yuzasidan tergovga qadar tekshiruv o‘tkazilgan. Tekshiruv davomi M.X. ismli shaxs fuqaro I.ni 2019—2021-yillar davomida aldab, ishonchiga kirib, uni Janubiy Koreya yoki AQSHga ishga jo‘natish evaziga 12,7 ming dollarini qo‘lga kiritgani aniqlangan. Fuqaro M.X. tomonidan o‘z aybiga iqror bo‘lib, qaytargan 500 dollari ashyoviy dalil sifatida olingan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Andijonda fuqarolarni Polshada ishlashga noqonuniy jo‘natish bilan shug‘ullangan firma aniqlangani, Samarqandda uch nafar fuqaroni AQShga yuborish uchun 60 ming dollar olgan shaxs ushlangani to‘g‘risida xabar berilgandi.
Mavzuga doir:
- Toshkentda fuqaroni 4 ming dollar evaziga Shvetsiyaga ishga yuborishni va’da qilgan shaxs aniqlandi
- Toshkentda fuqaroni Antaliyaga yuborishni va’da qilib, uni 6,5 ming dollarga chuv tushirgan turistik firma xodimlari aniqlandi
- Samarqandda fuqarolarni 30 ming dollar evaziga Meksika orqali AQShga yubormoqchi bo‘lgan shaxslar ushlandi
Izoh (0)