Tojikistonning Xo‘jand va Panjikent shaharlarida 5—7-may kunlari infotur tashkil etildi. Bu haqda Turizm va madaniy meros vazirligi xabar qildi.
Qayd etilishicha, infoturda o‘zbekistonlik 30 ta turoperatordan iborat delegatsiyasi qatnashgan. Tashrif davomida Xo‘jand va Panjikent shaharlaridagi eng nufuzli mehmonxona va sanatoriylarning imkoniyatlari o‘rganish rejalashtirilgan. Forumda rejaga kiritilgan dasturdan chiqmagan holda turoperatorlar jami 15 taga yaqin mehmonxona va sanatoriylarning sharoitlari va imkoniyatlarini shaxsan borib ko‘rgan.
Tomonlar o‘zaro manfaatli aloqalarni kengaytirish maqsadida turizm sohasida mintaqaviy hamkorlikni rivojlantirish istiqbollarini muhokama qilgan. Ikkala mamlakat sayyohlik kompaniyalari vakillari ham pandemiyadan keyingi davrda sayyohlik xizmatlari narxlarining mavjudligi haqida fikr almashgan. Turistik obyektlarga tashrif va konferensiya vaqtida B2B uchrashuvlar ikki tomon uchun tashkil etilgan. Natijada O‘zbekiston va Tojikiston turoperatorlari 40 dan ortiq o‘zaro hamkorlik aloqalarini o‘rnatish to‘g‘risidagi memоrandumlar imzolagan.
Shuningdek, infotur davomida Tojikistondagi qishloqlarda to‘xtab o‘tilib mamlakatning gastronomik imkoniyatlari turoperatorlar tomonidan o‘rganilgan.
Izoh (0)