Toshkent shahar hokimligi Rossiyaning Commonwealth Partnership konsalting kompaniyasi bilan O‘zbekiston poytaxtidagi ko‘chmas mulk obyektlari xaritasini ishlab chiqish bo‘yicha hamkorlik qilish imkoniyatlarini ko‘rib chiqmoqda, deb xabar qildi Toshkent hokimligi matbuot xizmati.
Matbuot xizmati xabariga ko‘ra, Toshkent shahridagi hokimlik vakillari va Commonwealth Partnership tashkiloti rahbariyati o‘zaro hamkorlik istiqbollarini muhokama qilgan.
“Yig‘ilishda “Toshkent aglomeratsiyasida xizmat ko‘rsatish va servis sohasini rivojlantirish” loyihasi taqdimoti bo‘lib o‘tdi”, — deyiladi hokimlik sayti xabarida.
Loyiha:
- poytaxtning ko‘chmas mulk xaritasini yaratish;
- ofis ko‘chmas mulkining tasnifi;
- ko‘chmas mulk bilan bog‘liq operatsiyalar uchun sharoit yaratish;
- barqaror ko‘chmas mulk bozorini bosqichma-bosqich rivojlantirish bo‘yicha “yo‘l xaritasi”ni o‘z ichiga oladi.
Avvalroq O‘zbekistonda noqonuniy qurilgan binolarni kosmik suratlar orqali aniqlash haqida xabar berilgan edi.
Izoh (0)