Фарғона вилоятининг Марғилон шаҳрида пул эвазига фуқарони хориж давлатларига ишга юборишни ваъда қилган шахс ушланди, деб хабар беради Бош прокуратура ҳузуридаги департамент.
Маълум қилинишича, департаментнинг Марғилон шаҳар бўлими томонидан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказилган. Текширув давоми М.Х. исмли шахс фуқаро И.ни 2019—2021 йиллар давомида алдаб, ишончига кириб, уни Жанубий Корея ёки АҚШга ишга жўнатиш эвазига 12,7 минг долларини қўлга киритгани аниқланган. Фуқаро М.Х. томонидан ўз айбига иқрор бўлиб, қайтарган 500 доллари ашёвий далил сифатида олинган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ Андижонда фуқароларни Польшада ишлашга ноқонуний жўнатиш билан шуғулланган фирма аниқлангани, Самарқандда уч нафар фуқарони АҚШга юбориш учун 60 минг доллар олган шахс ушлангани тўғрисида хабар берилганди.
Мавзуга доир:
- Тошкентда фуқарони 4 минг доллар эвазига Швецияга ишга юборишни ваъда қилган шахс аниқланди
- Тошкентда фуқарони Анталияга юборишни ваъда қилиб, уни 6,5 минг долларга чув туширган туристик фирма ходимлари аниқланди
- Самарқандда фуқароларни 30 минг доллар эвазига Мексика орқали АҚШга юбормоқчи бўлган шахслар ушланди
Изоҳ (0)