O‘zbekiston prezidenti Shavkat Mirziyoyev 12—13-may kunlari Farg‘ona viloyatiga boradi. Bu haqda davlat rahbarining matbuot kotibi Sherzod Asadov ma’lum qildi.
Safar davomida qishloq xo‘jaligi, to‘qimachilik va boshqa tarmoqlardagi korxonalar faoliyati bilan tanishish, mahallalardagi bunyodkorlik ishlarini ko‘zdan kechirish, viloyatni ijtimoiy-iqtisodiy rivojlantirish bo‘yicha yig‘ilish o‘tkazilishi ko‘zda tutilgan.
Eslatib o‘tamiz, davlat rahbari bundan oldin Farg‘ona viloyatiga 2021-yilning fevralida borgan edi. O‘shanda Shavkat Mirziyoyev Oltiariqdagi uzumchilik kooperatsiyasida bo‘lgan, Farg‘onadagi toshdan qog‘oz ishlab chiqariladigan korxonani ko‘zdan kechirgan, Vodiy Shoes korxonasiga tashrif buyurgandi.
Izoh (0)