Shavkat Mirziyoyev Farg‘ona viloyatiga jo‘nab ketdi, deb xabar beradi Prezident matbuot xizmati.
“Safar davomida qishloq xo‘jaligi, hunarmandchilik, to‘qimachilik, charm-poyabzal tarmoqlaridagi korxonalar faoliyati bilan tanishish, bunyodkorlik ishlarini ko‘zdan kechirish rejalashtirilgan”, — deyiladi xabarda.
Eslatib o‘tamiz, davlat rahbari bundan oldin Farg‘ona viloyatiga 2020-yili iyunda borgan edi. O‘shanda Shavkat Mirziyoyev Farg‘onaning Qo‘shtepa tumaniga tashrifi davomida “Tursunov Yusufjon yeri” fermer xo‘jaligi dalasida g‘alla rivojini ko‘zdan kechirdi, Grapes and Gardens Investment kompaniyasi tomonidan tashkil etilgan bog‘dagi daraxt qatorlari orasiga sarimsoqpiyoz ekish bo‘yicha ko‘rsatma berdi. Bundan tashqari, Prezident Toshloq tumani hokimi va bosh soliqchisini ishdan olgandi.
