Vazirlar Mahkamasi qarori bilan Shuhrat Mahmudov yangi lavozimga tayinlandi. Bu haqda O‘zA xabar qildi.
Qayd etilishicha, u Turizm va madaniy meros vazirligi huzuridagi Madaniy meros agentligi direktorining o‘rinbosari lavozimiga tayinlangan.
Ma’lumot uchun, Shuhrat Mahmudov 1988-yil 18-dekabrda Toshkent shahrida tug‘ilgan. Millati o‘zbek. Ma’lumoti oliy. 2018-yilda Toshkent Davlat texnika universitetini tamomlagan. Lavozimga tayinlangunga qadar Turizm va sport vazirligi Moliya-iqtisodiyot departamenti direktori o‘rinbosari lavozimida faoliyat yuritgan. 2012—2018-yillarda Moliya vazirligi tizimida faoliyat yuritgan.
Avvalroq Turizm va madaniy meros vaziriga uch nafar o‘rinbosar tayinlangani, Madaniy merosni himoya qilish inspeksiyasiga rahbar tayinlangani, sobiq madaniyat vaziri Tursunali Qo‘ziyev Madaniy meros agentligining direktor o‘rinbosari bo‘lgani haqida xabar berilgan.
Izoh (0)