Jizzax viloyati Zafarobod tumanida MCHJga ajratilgan yerni sotmoqchi bo‘lgan firibgar ushlandi, deya xabar qilmoqda Iqtisodiy jinoyatlarga qarshi kurashish departamenti.
Bosh prokuratura huzuridagi departament hamda DXXning Jizzax viloyati boshqarmalari tomonidan o‘tkazilgan tezkor tadbirda, “G.b.” MCHJning yollanma ishchisi S.Q. MCHJga Zafarobod tumani hududidan ajratilgan 40 gektar suvli yer maydonini fuqaro A.ga firibgarlik yo‘li bilan har bir gektarini 5 million so‘mdan jami 200 million so‘mga sotishga kelishib, shundan 160 million so‘mini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Toshkentda fuqaroning Qirg‘izistondagi o‘qishini 8 ming dollar evaziga Toshkent tibbiyot akademiyasiga ko‘chirib berishni va’da qilgan shaxs ushlandi
- Toshkent viloyatida tibbiyot xodimini bosh shifokor o‘rinbosari etib tayinlashga yordam berish uchun 1,3 ming dollar olgan shaxslar ushlandi
- Navoiy va Namangan viloyatlarida yer maydonlarini noqonuniy ravishda sotishga uringan shaxslar ushlandi
Izoh (0)