Bugun,

  • USD 11095.31
  • RUB 173.84
  • EUR 10772.44

O‘zbekiston hamda Janubiy Koreya kosmosni birgalikda tadqiq etish bo‘yicha kelishuvga erishdi, deya xabar bermoqda “Dunyo” AA.

Ma’lum qilinishicha, 2021-yil 15-fevral kuni O‘zbekistonning Seuldagi elchixonasi vakillari Janubiy Koreya Aerokosmik tadqiqotlar instituti (KARI) va SI Imaging Services kompaniyasi vakillari bilan uchrashuv o‘tkazdi. Tadbirda kosmosni tinchlik maqsadlarida tadqiq qilish va undan foydalanish yo‘nalishidagi hamkorlikni yanada faollashtirish masalalari muhokama qilindi.

Muloqotda koronavirus pandemiyasi davom etayotganiga qaramasdan, tomonlar ushbu yo‘nalishdagi hamkorlik izchil rivojlanayotganini qayd etdi. Jumladan, Janubiy Koreya Fan va axborot-kommunikatsiya texnologiyalari vazirligi, Janubiy Koreya Aerokosmik tadqiqotlar instituti, shuningdek, O‘zbekiston Axborot texnologiyalari va kommunikatsiyalarini rivojlantirish vazirligi, “O‘zbekkosmos” agentligi mutaxassislari o‘rtasida bir necha bosqichda muzokaralar o‘tkazildi.

Qayd etilishicha, ushbu sohada qo‘shma loyihalarni amalga oshirish bo‘yicha O‘zbekiston–Janubiy Koreya ishchi guruhi tuzilgan.

Janubiy Koreya vakillari o‘zaro hamkorlik va tajriba almashishni yanada faollashtirishdan manfaatdorligini ta’kidladi.

Shuningdek, birgalikda amalga oshirilayotgan ishlar istiqbollarini belgilab olish uchun kosmosni tinchlik maqsadlarida tadqiq qilish va undan foydalanish sohasidagi hamkorlik bo‘yicha qo‘shma ishchi guruh mutaxassislari o‘rtasida yaqin muddatlarda videokonferensiya o‘tkazish to‘g‘risida kelishuvga erishildi.

Bundan avval Janubiy Koreyaning bir qator kompaniyalari O‘zbekistondagi bog‘chalarga aqlli robotlar sovg‘a qilgani hamda Janubiy Koreya kompaniyasi O‘zbekistonda uchta yirik loyihani amalga oshirishni rejalashtirayotgani haqida xabar berilgandi.

Izoh
Asosiy yangiliklar
Mahalliy
Buxoroda Nexia-2 ariqqa tushib ketdi (video)
Iqtisodiyot
O‘zbekistonda qancha tabiiy monopoliya borligi ma’lum qilindi 
Mahalliy
Sogʻliqni saqlash vazirining telefon raqamiga kuniga 500 dan ortiq murojaat kelib tushayotgani maʼlum qilindi