“Manchester Siti” Angliya Premyer Ligasining 36-turida “Nyukasl”ni mag‘lubiyatga uchratdi (5:0).
Bu Pep Gvardiola shogirdlari uchun APL joriy mavsumidagi 21-quruq o‘yin bo‘ldi. Bir mavsumda 21 taquruq o‘yin — jamoa tarixidagi rekord natija.
Avvalgi rekord 2018/19-yilgi mavsumda qayd etilgan bo‘lib, unda “shaharliklar” 20 ta quruq o‘yin o‘tkazgandi.
2021/22-yilgi mavsumda Ederson 20 ta o‘yinda o‘z darvozasidan to‘p olib chiqmadi. Yana bir o‘yinda Zak Steffen o‘z darvozasi daxlsizligini saqlab qolgan.
“Manchester Siti” 35 o‘yinda 83 ochko to‘plagan holda musobaqa jadvalida peshqadamlik qilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)