Moskva viloyati politsiyasi Domodedovodagi mushtlashuvda to‘rt kishini jarohatlagan shaxsni qidirmoqda, deb xabar beradi “RIA Novosti”.
Xabarga ko‘ra, 7-may kuni Domodedovo shahar okrugidagi navbatchilik bo‘limiga Quruvchilar bulvarida joylashgan uylardan biri yonida janjal bo‘layotgani haqida xabar kelib tushgan. Ko‘rsatilgan manzilga yetib kelgan politsiya xodimlari guruh o‘rtasida og‘zaki nizo kelib chiqqanini aniqlagan. Nizo ishtirokchilaridan biri pichoq bilan to‘rt kishini jarohatlagan. Jabrlanganlarning barchasi kasalxonaga yotqizilgan. Hozirda politsiya gumonlanuvchini qidirmoqda.
Ta’kidlanishicha, nizo havaskorlar o‘rtasidagi futbol o‘yini vaqtida sodir bo‘lgan. Jamoalardan birida o‘zbekistonlik muhojirlar o‘ynagani aytilmoqda.
Izoh (0)