Londonning “Arsenal” klubi “Manchester Siti” yarim himoyachisi Rahim Sterlingni o‘z safiga qo‘shib olish imkoniyatlarini o‘rganib chiqmoqda. Bu haqda The Telegraph xabar berdi.
27 yoshli angliyalikning “shaharliklar” bilan shartnomasi kelasi mavsum oxirigacha amal qiladi. Hamkorlikni uzaytirish bo‘yicha muzokaralar darak yo‘q. Buning ustiga “shaharliklar” Sterlingni bir yildan keyin tekinga qo‘yib yubormaslik uchun uni yozda sotib yuborishga qarshi emas.
Hujum chizig‘ini kuchaytirmoqchi bo‘lgan “Arsenal” esa bu yo‘lda Rahimning xizmatlaridan foydalanmoqchi.
Ma’lumot uchun, 27 yoshli Sterling 2015-yildan beri manchesterliklar sharafini himoya qilib keladi. U 2021/22-yilgi mavsumda barcha musobaqalarda 41 ta o‘yinda maydonga tushib, 14 ta gol urdi va 7 ta golli uzatmani amalga oshirdi. Sterlingning transfer qiymati 85 million yevroga baholangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)