“Borussiya D” hujumchisi Erling Holand “Manchester Siti”ga o‘tishga yaqin turibdi.
Taniqli insayder Fabritsio Romano xabariga ko‘ra, 9-may kuni 21 yoshli futbolchi tibbiy ko‘rikdan o‘tgan va Dortmundga qaytib ketgan. Shartnoma shu hafta rasman e’lon qilinishi kutilmoqda.
“Manchester Siti” “Borussiya”siga yaqin orada Erlingning tovon pulini faollashtirishini ma’lum qilgan. Tovon puli avvalroq e’lon qilingan 75 million yevrodan 60 million yevroga qisqartiriladi.
Avvalroq Manchester klubi 21 yoshli futbolchi bilan shartnoma imzolagani va norvegiyalik futbolchining haftasiga 500 ming funtdan ortiq maoshga ega 5 yillik shartnoma imzolashi haqida xabar berilgandi. Erling haftasiga 385 ming funt maosh oladigan “Manchester Siti” yarim himoyachisi Kevin de Bryuyneni ortda qoldirib, APLdagi eng ko‘p maosh oladigan futbolchiga aylanishi qo‘shimcha qilingan.
Qayd etish kerak, Holandni “Manchester Siti”dan tashqari, “Real” va “Barselona” ham o‘z safiga qo‘shib olishni xohlagandi.
Holand “Borussiya” bilan 2020-yil boshida shartnoma imzolagan. Uning “Zalsburg”dan transferi nemis jamoasiga 20 million yevroga tushgan. Holand “arilar” safida 88 o‘yinda 85 ta gol urdi va 23 ta golli uzatmani amalga oshirdi. Transfermarkt portali hujumchini 150 million yevroga baholagan.
Izoh (0)