Xonanda Manzura “Daryo” internet-nashri uchun eksklyuziv intervyu berdi. Intervyuni “Daryo” muxbiri Feruz Muhammad tashkillashtirdi.
Manzura suhbat davomida ko‘pchilikka ma’lum bo‘lmagan odati haqida gapirib berdi.
Xudodan “biror nogiron bo‘lsa-yu, shunga savob uchun yordam bersam”, deb so‘rardim. Opam o‘tgan yili Ramazon oyida ijtimoiy tarmoqda nogiron mushukni ko‘rib qolibdilar.Bu mushukni ro‘za oyida, masjidning ro‘parasida nogiron holatda topganmiz. Uni uyga olib keldik. Baranessa deb ism qo‘ydik. Shifokorlarga qaratdik. Bu mushukchamiz pampersda yuradi. Oyog‘i hali ham tuzalmagan. Shifokorlar bu mushukka saraton deb tashxis qo‘yishgan. Buni MRT ham qildik. Mushukning MRTsi juda ham noyob ekan. Mushukni davolash uchun imkon qadar hamma ishni qildik. Bular ham xuddi chaqaloqdek gap. Ozgina mehnati bor.
Baranessa menga xudo bergan bir ne’mat. “Ne’matsan”, deb yaxshi gapirib yuraman. Jonzotlarga juda ham ko‘p mehr ko‘rsatish kerak. Masalan, insonga mehr ko‘rsatsangiz, inson sizga qaytara oladi, jonzotlar esa qaytara olmaydi, shuning uchun maxluqotga yaxshilik qilsak, Alloh o‘zi qaytarar ekan.
Birinchi mushugimga Graf deb laqab qo‘yganmiz. Uning yoshi besh yoshda. Lekin inson umri bilan hisoblaganimizda uning yoshini 35-36 yoshlar desak bo‘ladi.
Bir oycha avval mahallamizga yana bir kichkintoy mushukni tashlab ketishibdi. Uni ham uyga olib kelib, yaxshilab parvarish qilyapmiz. U ham juda shirin, quvnoq mushukcha bo‘lib, uyimizda sakrab-sakrab o‘ynab yuribdi.
Manzura, xonanda, aktrisa, bastakor
Izoh (0)