Хонанда Манзура «Дарё» интернет-нашри учун эксклюзив интервью берди. Интервьюни «Дарё» мухбири Феруз Муҳаммад ташкиллаштирди.
Манзура суҳбат давомида кўпчиликка маълум бўлмаган одати ҳақида гапириб берди.
Худодан «бирор ногирон бўлса-ю, шунга савоб учун ёрдам берсам», деб сўрардим. Опам ўтган йили Рамазон ойида ижтимоий тармоқда ногирон мушукни кўриб қолибдилар.Бу мушукни рўза ойида, масжиднинг рўпарасида ногирон ҳолатда топганмиз. Уни уйга олиб келдик. Баранесса деб исм қўйдик. Шифокорларга қаратдик. Бу мушукчамиз памперсда юради. Оёғи ҳали ҳам тузалмаган. Шифокорлар бу мушукка саратон деб ташхис қўйишган. Буни МRT ҳам қилдик. Мушукнинг МRTси жуда ҳам ноёб экан. Мушукни даволаш учун имкон қадар ҳамма ишни қилдик. Булар ҳам худди чақалоқдек гап. Озгина меҳнати бор.
Баранесса менга худо берган бир неъмат. «Неъмацан», деб яхши гапириб юраман. Жонзотларга жуда ҳам кўп меҳр кўрсатиш керак. Масалан, инсонга меҳр кўрсацангиз, инсон сизга қайтара олади, жонзотлар эса қайтара олмайди, шунинг учун махлуқотга яхшилик қилсак, Аллоҳ ўзи қайтарар экан.
Биринчи мушугимга Граф деб лақаб қўйганмиз. Унинг ёши беш ёшда. Лекин инсон умри билан ҳисоблаганимизда унинг ёшини 35-36 ёшлар десак бўлади.
Бир ойча аввал маҳалламизга яна бир кичкинтой мушукни ташлаб кетишибди. Уни ҳам уйга олиб келиб, яхшилаб парвариш қиляпмиз. У ҳам жуда ширин, қувноқ мушукча бўлиб, уйимизда сакраб-сакраб ўйнаб юрибди.
Манзура, хонанда, актриса, бастакор
Изоҳ (0)