Рамазон ҳайити муносабати билан Шавкат Мирзиёев номига номига жаҳоннинг турли мамлакатлари давлат ва ҳукуматлари, нуфузли халқаро ва минтақавий ташкилотлар раҳбарлари, таниқли сиёсат ва жамоат арбоблари, уламолардан қутловлар келмоқда.
Президент матбуот хизматининг хабар беришича, табрикномаларда Ўзбекистон етакчиси ва кўп миллатли халқига чуқур ҳурмат-эҳтиром изҳор қилинган. Ушбу қутлуғ ва файзли кунларда хорижий етакчи ва ҳамкорлар бизга тинчлик, бахт-саодат, фаровонлик ва равнақ тилаб, дўстлик ва кўп қиррали ҳамкорлик муносабатларини янада ривожлантиришга қатъий интилиш билдирган.
Қуйидагилар ўз табрикларини йўллаган:
- Саудия Арабистони подшоҳи Салмон ибн Абдулазиз Ол Сауд,
- Туркия президенти Ражаб Тоййиб Эрдўғон,
- Эрон президенти Иброҳим Раисий,
- Миср президенти Абдулфаттоҳ ас-Сиси,
- Қозоғистон президенти Қасим-Жомарт Тоқаев,
- Қирғизистон президенти Садир Жапаров,
- Тожикистон президенти Эмомали Раҳмон,
- Туркманистон президенти Сердар Бердимуҳамедов,
- Туркманистон Миллий Кенгаши Халқ маслаҳати раиси Гурбангули Бердимуҳамедов,
- Озарбайжон президенти Илҳом Алиев,
- БАА президенти Халифа бин Зоид Ол Наҳаён,
- Қувайт амири Наваф ал-Аҳмад ал-Жобир ас-Сабоҳ,
- Ўмон Султони Ҳайсам бин Ториқ Ал Саид,
- Баҳрайн подшоҳи Ҳамад бин Исо Ал Халифа,
- Иордания подшоҳи Абдулла II,
- Индонезия президенти Жоко Видодо,
- Филиппин президенти Родриго Дутерте,
- Сингапур президенти Ҳалима Ёқуб,
- Сурия президенти Башар Асад,
- Фаластин президенти Маҳмуд Аббос,
- Саудия Арабистони подшоҳлиги валиаҳди Муҳаммад ибн Салмон ибн Абдулазиз Ол Сауд,
- Бирлашган Араб Амирликлари Қуролли кучлари Олий бош қўмондони ўринбосари, Абу-Даби Амирлиги валиаҳди Муҳаммад бин Зоид Ол Наҳаён,
- БАА вице-президенти, бош вазири, Дубай амирлиги ҳокими Муҳаммад бин Рошид Ол Мактум,
- Қувайт валиаҳди Мишаал ал-Аҳмад ал-Жобир ас-Сабоҳ,
- Сингапур бош вазири Ли Сян Лун,
- БАА бош вазири ўринбосари Шайх Сайф бин Зоид Ол Наҳаён,
- Туркий тилли давлатлар ташкилоти бош котиби Бағдод Амреев,
- Иқтисодий ҳамкорлик ташкилоти бош котиби Ҳусрав Нозирий,
- Миср бош имоми, Ал-Азҳар мажмуаси раҳбари Шайх Аҳмад Муҳаммад ат-Таййиб,
- Кавказ мусулмонлари идораси раиси Шайхулислом Оллоҳшукур Пошшозода.
Эслатиб ўтамиз, 2022 йилги Рамазон ҳайити 2 май — душанба куни нишонланди. Ҳайит арафасида президент 65 нафар фуқарони афв этди.
Изоҳ (0)