“Barselona” so‘nggi uch mavsumdan ikkitasini sovrinsiz yakunladi

“Real” Ispaniya chempionatining 34-turida “Espanyol”ni yirik hisobda yutib (4:0), muddatidan avval chempion bo‘ldi.

Shu tariqa “Barselona” joriy mavsum ham sovrinsiz qoladigan bo‘ldi. Katalonlar so‘nggi uch mavsumda ikkinchi marta sovrinsiz qolmoqda. Oxirgi uch yilda “Barsa” faqat Ispaniya Kubogiga (2021-yil) ega chiqdi.

“Barselona” joriy mavsum Ispaniya Superkubogining ½ finalida “Real”ga yutqazib qo‘ydi (2:3), Ispaniya Kubogida 1/8 finalda o‘z yurishini to‘xtatdi. Chempionlar Ligasi guruh bosqichida uchinchi o‘rinni egallab, Yevropa Ligasiga ravona bo‘lgan katalonlar mazkur musobaqaning chorak finalida “Ayntraxt” (1:1, 2:3) to‘sig‘idan o‘tolmadi.

Shuningdek, “Barselona” qatorasiga uch mavsumdan beri Ispaniya chempionligini qo‘lga kirita olmayapti. Bu jamoa uchun 2004-yildan keyingi eng yomon seriya hisoblanadi. 2000—2004-yillarda katalonlar Primera bosh sovrinisiz qolgandi.

So‘nggi uch mavsumda “Real” (2020, 2022) va “Atletiko” (2021) chempionga aylandi.