«Барселона» сўнгги уч мавсумдан иккитасини совринсиз якунлади

«Реал» Испания чемпионатининг 34-турида «Эспаньол»ни йирик ҳисобда ютиб (4:0), муддатидан аввал чемпион бўлди.

Шу тариқа «Барселона» жорий мавсум ҳам совринсиз қоладиган бўлди. Каталонлар сўнгги уч мавсумда иккинчи марта совринсиз қолмоқда. Охирги уч йилда «Барса» фақат Испания Кубогига (2021 йил) эга чиқди.

«Барселона» жорий мавсум Испания Суперкубогининг ½ финалида «Реал»га ютқазиб қўйди (2:3), Испания Кубогида 1/8 финалда ўз юришини тўхтатди. Чемпионлар Лигаси гуруҳ босқичида учинчи ўринни эгаллаб, Европа Лигасига равона бўлган каталонлар мазкур мусобақанинг чорак финалида «Айнтрахт» (1:1, 2:3) тўсиғидан ўтолмади.

Шунингдек, «Барселона» қаторасига уч мавсумдан бери Испания чемпионлигини қўлга кирита олмаяпти. Бу жамоа учун 2004 йилдан кейинги энг ёмон серия ҳисобланади. 2000—2004 йилларда каталонлар Примера бош совринисиз қолганди.

Сўнгги уч мавсумда «Реал» (2020, 2022) ва «Атлетико» (2021) чемпионга айланди.