Unutilgan go‘zallar: mahorati yetarlicha baholanmagan Gollivud aktrisalari

Kino olamida hamma narsa murakkab va ziddiyatli. Shunday rollar bo‘ladiki, aktrisani birdaniga mashhurlik cho‘qqisiga olib chiqadi, ammo buning teskarisi ham bo‘lishi mumkin. Shuningdek, karyerasini yorqin rollar bilan boshlab, keyinchalik ko‘rinmay ketgan yulduzlar ham talaygina.

Kler Forlani

Mona Lizaning sirli qiyofasi va tabassumiga ega britaniyalik aktrisa Kler Forlani har doim yopiq, deyarli yolg‘iz hayot kechirishni afzal ko‘radi. Uning kinodagi har bir rolida o‘ziga xos fe’l-atvori seziladi. “Tanishing, Jo Blek” filmida u Syuzan Perrish rolini ijro etgan. Tanqidchilarning fikriga ko‘ra, uning aktyorlik iste’dodi ayon edi. Hatto Bred Pitt ham Kler Forlani bilan raqobatlasha olmasdi.

Aktrisa filmlarda turli obrazlarni muvaffaqiyat bilan o‘ynay olgan bo‘lsa-da, karyerasi o‘zi xohlagandek rivojlanmadi. Gollivud go‘zalini deb mashhur erkaklar aqldan ozay degan: Benisio Del Toro, Kianu Rivz, Jon Kyusak. Kler 2007-yilda shotlandiyalik aktyor Dugrey Skottga turmushga chiqdi va yetti yildan so‘ng o‘g‘li Mayloni dunyoga keltirdi. Hozirda 49 yoshga to‘lgan aktrisa hali ham go‘zal, xayriya ishlari bilan shug‘ullanadi, ko‘p sayohat qiladi. Baxtga qarshi, aktrisa Gollivudni yomon ko‘radi va u yerga qaytishni istamaydi.

Jennifer Konnelli

Jennifer Konneliga mashhurlik erta keldi: 12 yoshida u afsonaviy Serjio Leonening “Bir paytlar Amerikada“ filmida rol o‘ynagan. Uning Gollivudga yo‘li shiddatli va muvaffaqiyatli bo‘ldi. Ko‘k ko‘zli maftunkor go‘zal kino olamida o‘zining munosib o‘rnini egalladi. “Orzu uchun harakat“, “Aql o‘yinlari” filmlari unga yanada ko‘proq mashhurlik olib keldi, bu aktrisaning ajoyib iste’dodidan dalolat berardi. Ammo keyinchalik Jennifer ekranlarda ko‘rinmay qoldi.

Ma’lum bo‘lishicha, 51 yoshli aktrisa rejissorlarning takliflarini juda sinchkovlik bilan qabul qiladi va turmush o‘rtog‘i Pol Bettani bilan oilaviy hayotdan zavqlanadi. Shuningdek, o‘g‘li Stellan va qizi Agnesni tarbiyalash bilan mashg‘ul.

Marisa Tomey

Marisa Tomeyning yoqimli go‘zalligi doimo tomoshabinlarning hayratiga sabab bo‘lgan. Rejissorlar ham buni payqadi: aktrisaning kichik rollarni ham mahorat bilan o‘ynash qobiliyati har qanday filmni yanada ochib berardi.

Marisa Tomey uchun eng yaxshi davr 1992-yil bo‘ldi: Jonatan Linning “Mening amakivachcham Vinni” nomli komediyasidagi ikkinchi darajali roli uchun u “Oskar” bilan taqdirlandi. Afsuski, so‘nggi yillarda aktrisaga omad olib keladigan rollar nasib etmadi.

Oliviya Uayld

Oliviya Uayldning eng ko‘zga ko‘ringan ijodiy yutuqlaridan biri uning o‘n uchinchi rolini o‘ynagan mashhur “Doktor Haus” serialidagi ishtirokidir. Amerikalik aktrisaning katta kinodagi muvaffaqiyatlari ancha kamtar. Ammo bu Oliviyani xafa qilishi dargumon: hatto karyerasidagi pasayish ham uning kayfiyatiga ta’sir qilmaydi.

Hozirda 38 yoshli aktrisa o‘g‘li va qizini sevish va ularga g‘amxo‘rlik qilish orqali tasalli topadi.

Tendi Nyuton

“Jefferson Parijda” filmi Tendiga mashhurlik olib keldi, filmda u Salli Xemmings rolini ijro etdi. Shundan keyin u bir qator filmlarda rol o‘ynadi, ular ham jamoatchilik tomonidan iliq kutib olindi. Keyinchalik kino olamida tez-tez bo‘lgani kabi, tomoshabinlar uni asta-sekin unuta boshladilar.

Hozirda 49 yoshli aktrisaning so‘zlariga ko‘ra, u haqiqiy baxtni uch farzandi va sevimli turmush o‘rtog‘i rejissor Ole Parkerda ko‘radi.