Haqiqiy sevgi hech qanday qiyinchiliklardan qo‘rqmaydi, deyishadi. Yoshdagi katta farq, jamiyatdagi teng bo‘lmagan mavqe va hayot sinovlari — bularning barchasi haqiqatan ham ikki kishining ruhi bir-biriga intilganda o‘z ahamiyatini yo‘qotadi.
AdMe nashri tanishtirmoqchi bo‘lgan bugungi qahramonlar nima bo‘lishidan qat’i nazar sevgini topishga muvaffaq bo‘lgan va ularning muhabbat tarixi o‘quvchilarni hayratlantirishi shubhasiz.
Devid Mills va Judi Dench
2001-yilda Judi Dench 30 yil birga yashagan turmush o‘rtog‘idan ayrildi. Bo‘lib o‘tgan ishlardan so‘ng aktrisa uzoq vaqt yolg‘iz qoldi va yana kimdir bilan hayot yo‘llarini bog‘lashga umid qilmagan. Biroq 76 yoshida aktrisa 67 yoshli tabiatni muhofaza qiluvchi Devid Mills bilan tanishdi. 10 yildan ortiq vaqt davomida munosabatlarini mustahkamlagan juftlik turmush qurish haqida o‘ylamoqda.
Pink va Keri Xart
Pink va mototsikl poygachisi Keri Xart 20 yildan ortiq vaqt davomida birga. Bu vaqt ichida juftlik ko‘p qiyinchiliklarni boshdan kechirdi. 2008-yilda ular ajrashishga qaror qildi, ammo oilaviy terapiya tufayli munosabatlar inqirozini yengib o‘tdi. Munosabatlar qayta tiklangandan so‘ng juftlik qizi Uillou va Jeymson ismli o‘g‘ilning baxtli ota-onasiga aylandi.
Jeyk Jillenxol va Janna Kade
41 yoshli Jeyk Jillenxol va 25 yoshli fransuz modeli Janna Kadening munosabatlari haqida birinchi marta 2018-yilda mish-mishlar tarqaldi. Yosh orasidagi katta farqqa qaramay, sevishganlar birgalikda nihoyatda baxtlidir.
Ben Afflek va Jennifer Lopes
Bu juftlik nomi bilan atalgan “Bennifer” ning tarixi 2001-yilda “Jili” filmining suratga olish maydonchasida boshlangan va ular o‘rtasidagi ishqiy munosabatlar 2002-yilda boshlangan. Juftlik 2 yillik munosabatdan keyin to‘y sanasini belgilashdi, lekin nikohdan bir necha kun oldin ular marosimni noma’lum muddatga qoldirdi. Oradan 17 yil o‘tib, Jennifer va Ben yana turmush qurishga qaror qildi va 2022-yil aprel oyida juftlik ikkinchi marta unashtirildi.
Ben Stiller va Kristin Teylor
Aktyor Ben Stiller va aktrisa Kristin Teylor 1999-yilda televizion loyihada uchrashishdi. Bir yil o‘tgach, ular munosabatlarni rasman ro‘yxatdan o‘tkazdi va 2017-yilgacha birga baxtli yashadi. Keyin ularning nikohi buzilgani ma’lum bo‘ldi. Ammo tanaffusdan bir necha yil o‘tgach, Stiller va Teylor yana tiklashga muvaffaq bo‘ldi.
Stella Arroyyave va Entoni Xopkins
Entoni Xopkins bo‘lajak rafiqasi Stella Arroyyave bilan 2001-yilda ayol ishlagan noyob buyumlar do‘konida tanishgan. Aktyor aslida u yerga uyi uchun mebel izlash uchun borgandi va umr yo‘ldoshini ham topishga muvaffaq bo‘ldi. Stella darhol Xopkinsda taassurot qoldirdi: u o‘zining quvnoqligi va jo‘shqinligi bilan uning qalbini zabt etdi. 2 yil o‘tgach, juftlik rishtalarni bog‘ladi va shundan beri baxtli hayot kechirib kelmoqda. Hozir aktyor 84, rafiqasi esa 66 yoshda.
Jastin Timberleyk va Jessika Bil
Jastin Timberleyk va Jessika Bil 2007-yildan beri birga. Juftlik har doim birgalikda hayotlaridagi turli, ba’zan esa eng oson bo‘lmagan daqiqalarni yengib o‘tdi. 2019-yil Jastin rafiqasiga xiyonat qildi, u hamkasbi Alisha Ueynrayt bo‘lib chiqdi. Ularning surati bir zumda tarmoq bo‘ylab tarqaldi, Jastin xiyonatda ayblandi. Xonanda hech narsani inkor etmadi, u haqiqatan ham suratdagi o‘zi ekanini tushuntirdi, lekin hamkasbi bilan o‘rtasida hech narsa yo‘qligini ma’lum qildi. Buning ustiga, qo‘shiqchi xotinidan ochiqchasiga kechirim so‘radi. 8 oydan so‘ng juftlik ikkinchi marta ota-ona bo‘ldi va ularning oilasidagi yoqimsiz sahifa yopildi.
Kristina Sandera va Klint Istvud
Klint Istvud sevgilisi Kristina Sandera bilan o‘rtasidagi 33 yosh farqda hech qanday muammo ko‘rmayapti. Aytgancha, ayol Istvudga tegishli muassasalardan birida yetakchi xodim bo‘lib ishlagan.
Riko Shibata va Nikolas Keyj
2021-yil fevral oyida Nikolas Keyj 5-marta turmush qurdi. Aktyorning rafiqasi o‘zidan 31 yosh kichik Riko Shibata ismli qiz edi. Muhabbat yosh tanlamasligiga yana bir ajoyib misol.
Merayya Keri va Brayan Tanaka
Merayya Keri va Brayan Tanaka bir-birlarini ko‘p yillardan beri biladi, biroq ular o‘rtasida 2016-yildagina muhabbat uchqun paydo bo‘lgan. Keyin qo‘shiqchi Jeyms Paker bilan unashtiruvini bekor qildi. Shundan so‘ng juftlik baxtli hayot kechirishga harakat qilib kelmoqda. Hozir qo‘shiqchi 53, sevgilisi esa 38 yoshda, lekin bu yosh faqat raqamlarni anglatadi xolos.
Izoh (0)