Унутилган гўзаллар: маҳорати етарлича баҳоланмаган Голливуд актрисалари

Кино оламида ҳамма нарса мураккаб ва зиддиятли. Шундай роллар бўладики, актрисани бирданига машҳурлик чўққисига олиб чиқади, аммо бунинг тескариси ҳам бўлиши мумкин. Шунингдек, карьерасини ёрқин роллар билан бошлаб, кейинчалик кўринмай кетган юлдузлар ҳам талайгина.

Клер Форлани

Мона Лизанинг сирли қиёфаси ва табассумига эга британиялик актриса Клер Форлани ҳар доим ёпиқ, деярли ёлғиз ҳаёт кечиришни афзал кўради. Унинг кинодаги ҳар бир ролида ўзига хос феъл-атвори сезилади. «Танишинг, Жо Блек» фильмида у Сюзан Перриш ролини ижро этган. Танқидчиларнинг фикрига кўра, унинг актёрлик истеъдоди аён эди. Ҳатто Бред Питт ҳам Клер Форлани билан рақобатлаша олмасди.

Актриса фильмларда турли образларни муваффақият билан ўйнай олган бўлса-да, карьераси ўзи хоҳлагандек ривожланмади. Голливуд гўзалини деб машҳур эркаклар ақлдан озай деган: Бенисио Дел Торо, Киану Ривз, Жон Кюсак. Клер 2007 йилда шотландиялик актёр Дугрей Скоттга турмушга чиқди ва етти йилдан сўнг ўғли Майлони дунёга келтирди. Ҳозирда 49 ёшга тўлган актриса ҳали ҳам гўзал, хайрия ишлари билан шуғулланади, кўп саёҳат қилади. Бахтга қарши, актриса Голливудни ёмон кўради ва у ерга қайтишни истамайди.

Женнифер Коннелли

Женнифер Коннелига машҳурлик эрта келди: 12 ёшида у афсонавий Сержио Леоненинг «Бир пайтлар Америкада« фильмида рол ўйнаган. Унинг Голливудга йўли шиддатли ва муваффақиятли бўлди. Кўк кўзли мафтункор гўзал кино оламида ўзининг муносиб ўрнини эгаллади. «Орзу учун ҳаракат«, «Ақл ўйинлари» фильмлари унга янада кўпроқ машҳурлик олиб келди, бу актрисанинг ажойиб истеъдодидан далолат берарди. Аммо кейинчалик Женнифер экранларда кўринмай қолди.

Маълум бўлишича, 51 ёшли актриса режиссёрларнинг таклифларини жуда синчковлик билан қабул қилади ва турмуш ўртоғи Пол Беттани билан оилавий ҳаётдан завқланади. Шунингдек, ўғли Стеллан ва қизи Агнесни тарбиялаш билан машғул.

Мариса Томей

Мариса Томейнинг ёқимли гўзаллиги доимо томошабинларнинг ҳайратига сабаб бўлган. Режиссёрлар ҳам буни пайқади: актрисанинг кичик ролларни ҳам маҳорат билан ўйнаш қобилияти ҳар қандай фильмни янада очиб берарди.

Мариса Томей учун энг яхши давр 1992 йил бўлди: Жонатан Линнинг «Менинг амакиваччам Винни» номли комедиясидаги иккинчи даражали роли учун у «Оскар» билан тақдирланди. Афсуски, сўнгги йилларда актрисага омад олиб келадиган роллар насиб этмади.

Оливия Уайлд

Оливия Уайлднинг энг кўзга кўринган ижодий ютуқларидан бири унинг ўн учинчи ролини ўйнаган машҳур «Доктор Ҳаус» сериалидаги иштирокидир. Америкалик актрисанинг катта кинодаги муваффақиятлари анча камтар. Аммо бу Оливияни хафа қилиши даргумон: ҳатто карьерасидаги пасайиш ҳам унинг кайфиятига таъсир қилмайди.

Ҳозирда 38 ёшли актриса ўғли ва қизини севиш ва уларга ғамхўрлик қилиш орқали тасалли топади.

Тенди Нютон

«Жефферсон Парижда» фильми Тендига машҳурлик олиб келди, фильмда у Салли Хеммингс ролини ижро этди. Шундан кейин у бир қатор фильмларда рол ўйнади, улар ҳам жамоатчилик томонидан илиқ кутиб олинди. Кейинчалик кино оламида тез-тез бўлгани каби, томошабинлар уни аста-секин унута бошладилар.

Ҳозирда 49 ёшли актрисанинг сўзларига кўра, у ҳақиқий бахтни уч фарзанди ва севимли турмуш ўртоғи режиссёр Оле Паркерда кўради.