“Liverpul” bosh murabbiyi Yurgen Klopp mersisaydliklar bilan amaldagi shartnomasini uzaytirdi. Bu haqda klub matbuot xizmati ma’lum qildi.
Kelishuvning tafsilotlari rasman ma’lum qilinmagan. Xabarlarga ko‘ra, 54 yoshli mutaxassis va uning shtabi “qizillar” bilan 2026-yilning yoziga qadar mo‘ljallangan bitim imzolagan.
Shuningdek, yangi kelishuvga ko‘ra, mutaxassis avvalgidek yiliga 10 million funt maosh olishi aytilgan.
Klopp “Liverpul”ni 2015-yildan beri boshqarib keladi. Bu vaqtda u klub bilan beshta sovringa ega chiqdi, ular ichida Angliya chempionligi va YChL bosh sovrini ham bor.
Ayni vaqtda “Liverpul” APLda ikkinchi o‘rinda ketmoqda, Chempionlar Ligasida esa yarim finalda ishtirok etyapti.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)