Toshkent davlat yuridik universitetiga 2022/2023-o‘quv yilida talabalar o‘qishini xorijiy oliy ta'lim tashkilotlari, shuningdek, O‘zbekistonda faoliyat yuritayotgan filiallar va nodavlat oliy ta'lim tashkilotlaridan ko‘chirish bo‘yicha o‘tish bali 140,0 ball etib belgilandi. Bu haqda Adliya vazirligi xabar qildi.
Ma’lumot uchun, 8-aprel kuni Oliy va o‘rta maxsus ta'lim vazirining tegishli buyrug‘i bilan 2022/2023-o‘quv yilida xorijiy davlatlardagi oliy ta'lim muassasalari, respublikada faoliyat yuritayotgan nodavlat va xorijiy (filiallar) oliy ta'lim muassasalaridan davlat oliy ta'lim muassasalariga o‘qishni ko‘chirish uchun o‘tish ballari tasdiqlangan edi. Unga ko‘ra, joriy yil tizimida oliy ta’lim muassasalari bo‘lgan vazirlik va idoralarning takliflari umumlashtirilib, ta’lim sohalari kesimida o‘tish ballari belgilangan.
Eslatib o‘tamiz, 2021/2022-o‘quv yili uchun xorijiy va nodavlat oliy ta’lim muassasalaridan o‘qishni ko‘chirish bo‘yicha o‘tkaziladigan maxsus sinovlar natijasiga ko‘ra to‘plash mumkin bo‘lgan maksimal ball 189 ballni tashkil etgandi.
Izoh (0)