Тошкент давлат юридик университетига 2022/2023-ўқув йилида талабалар ўқишини хорижий олий таълим ташкилотлари, шунингдек, Ўзбекистонда фаолият юритаётган филиаллар ва нодавлат олий таълим ташкилотларидан кўчириш бўйича ўтиш бали 140,0 балл этиб белгиланди. Бу ҳақда Адлия вазирлиги хабар қилди.
Маълумот учун, 8 апрель куни Олий ва ўрта махсус таълим вазирининг тегишли буйруғи билан 2022/2023-ўқув йилида хорижий давлатлардаги олий таълим муассасалари, республикада фаолият юритаётган нодавлат ва хорижий (филиаллар) олий таълим муассасаларидан давлат олий таълим муассасаларига ўқишни кўчириш учун ўтиш баллари тасдиқланган эди. Унга кўра, жорий йил тизимида олий таълим муассасалари бўлган вазирлик ва идораларнинг таклифлари умумлаштирилиб, таълим соҳалари кесимида ўтиш баллари белгиланган.
Эслатиб ўтамиз, 2021/2022-ўқув йили учун хорижий ва нодавлат олий таълим муассасаларидан ўқишни кўчириш бўйича ўтказиладиган махсус синовлар натижасига кўра тўплаш мумкин бўлган максимал балл 189 баллни ташкил этганди.
Изоҳ (0)