“O‘zbekneftgaz”ning bir nechta yonilg‘i quyish shoxobchalari “Tatneft”ga beriladi

“O‘zbekneftgaz”ning 7 ta yonilg‘i quyish shoxobchasini “Tatneft”ga o‘tkazish rejalashtirilgan. Bu haqda Energetika vazirligi xabar berdi.

Rossiya kompaniyasi yonilg‘i quyish shoxobchalarini rekonstruksiya qilishi, shundan so‘ng ular “Tatneft” brendi ostida ishlay boshlashi rejalashtirilgan.

Bu kompaniyaning O‘zbekistondagi tarmog‘ini kengaytirish doirasida amalga oshirilmoqda. Uning yaratilishi 2019-yil iyul oyida, “Tatneft” Toshkent viloyatining O‘rta Chirchiq tumanida birinchi shoxobchasini ochgan paytda boshlangan.

Bu yerda korxona tomonidan “Taneco” aksiyadorlik jamiyatida ishlab chiqarilgan AI-95, AI-92 rusumli benzin va dizel yonilg‘isi, O‘zbekistonda ishlab chiqarilgan AI-80 rusumli benzin, shuningdek, metan sotiladi.

Avvalroq “O‘zbekneftgaz” yil yakuniga qadar 1,095 mlrd kub metr tabiiy gaz qazib olish rejalashtirayotgani haqida xabar berilgan edi.