Fransiyaning Renault avtomobil ishlab chiqaruvchisi Rossiyani tark etadi. Bu haqda chorshanba kuni jurnalistlarga Rossiya sanoat va savdo vazirligi rahbari Denis Manturov ma’lum qildi.
Uning so‘zlariga ko‘ra, bunga “Renault’ning Rossiyadagi o‘z bo‘linmalarining samaradorligi yoki faoliyatini saqlab qolish uchun mablag‘ yetishmasligi” sabab bo‘lgan.
Renault “AvtoVAZ”ning 68% va “Reno Rossiya”ning 100% ulushiga ega. Ushbu aksiyalar Moskva hukumati va avtomobil ilmiy institutiga o‘tkaziladi.
Bu O‘zbekistonga qanday ta’sir qiladi?
To‘g‘ridan to‘g‘ri ta’sir qiladi. O‘zbekistondagi ADM Jizzakh zavodida 2021-yildan beri Renault avtomobillari ishlab chiqariladi.
Biroq bu yirik uzelli yig‘ish – O‘zbekistondagi avtomobillar uchun asosiy qismlar “Reno Rossiya” zavodida ishlab chiqarilar edi. Manturovning so‘zlariga ko‘ra, endi “Reno Rossiya” zavodida boshqa avtomobillar ishlab chiqariladi.
Avvalroq Renault Rossiyada ishlab chiqarishni to‘xtatgani haqida xabar berilgan edi.
Izoh (0)