O‘zA Milliy banklararo protsessing markazi (Humo) direktori Shuhrat Qurbonovdan intervyu oldi.
Shuhrat Qurbonov intervyu davomida Humo to‘lov tizimida ishlaydigan bank kartalari, to‘lov terminallari hamda bankomatlar bo‘yicha ma’lumot berdi. Bundan tashqari aholini qiziqtirgan bir qancha savollarga javob berildi.
Ma’lum bo‘lishicha 42 mingta tadbirkorlik subyektlari o‘zlarida mavjud Humo terminallaridan ikki yil davomida umuman foydalanmagan. Humo tizimida bir kunda o‘rtacha 1 mln foydalanuvchi tranzaksiyalarni amalga oshiradi.
Joylardagi bankomatlarda naqd pul yo‘qligi bu tizim ishlamayapti degani emas, deydi Shuhrat Qurbonov. Uning aytishicha, Humo to‘lov tizimining alohida mobil ilovasi ishlab chiqish rejalashtirilmagan.
Humo to‘lov tizimida bank kartalari soni 9 mln donani tashkil qiladi. Shunda 7 mln dona kartalar faol, qolgan 2 mln tasi esa nofaol holatdadir.
O‘zbekiston bo‘yicha to‘lov terminallari soni 200 mingdan ortiqni, bank terminallari bilan qo‘shib hisoblaganda esa 230 mingtani tashkil qilmoqda.
Bundan tashqari, bankomatlar soni 4 620 donani tashkil etishi ma’lum qilingan. Butun O‘zbekistondagi bankomatlarning 51 foizi Humo kartalarini qabul qila oladi.
Avvalroq Humo kartalari ishlashi vaqtincha to‘xtatilgani haqida xabar berilgan edi.
Izoh (0)