Avvalroq Ilon Mask Twitter ijtimoiy tarmog‘ini 44 milliard dollarga sotib olayotgani haqida xabar berilgan edi. Bu IT tarixidagi eng yirik bitimlardan biri.
Taqqoslash uchun, 44 mlrd dollar bu quyidagilardan biri:
2368 ta DXXning sobiq binosi
2021-yilning iyun oyida Toshkent markazidagi sobiq MXX binosini 210 milliard so‘mga (taxminan 18,5 million dollar) sotilgan edi.
14 089 ta “Versal” restorani
2020-yilning iyun oyida Toshkentdagi eng mashhur restoranlardan biri 35 milliard so‘mga (taxminan 3,1 million dollar) sotilgan edi.
603 641 ta Chevrolet Tahoe avtomobili
O‘zbekistonda ishlab chiqarilgan eng qimmat avtomobil Chevrolet Tahoe RST MY22 823 913 043 so‘m (taxminan, 72 891 dollar) turadi.
40 627 885 ta iPhone 13 128 gb telefoni
Yangi iPhone 13 128 gb narxi Toshkentda 12 247 000 (taxminan 1083 dollar) so‘m turadi.
12,8 ta Uzbekistan GTL zavod qurilishi
2021-yil oxirida O‘zbekistonda so‘nggi yillardagi eng yirik sanoat loyihalaridan biri ishga tushirildi. Sintetik suyuq yonilg‘i ishlab chiqaruvchi Uzbekistan GTL zavodining qiymati 3,4 mlrd tashkil qildi.
104 ta Toshkentdagi yer usti halqa metrosi qurilishi
Qurilishi 2017 yilda boshlangan loyihaning umumiy qiymati 422 million dollar atrofida.
293 ta Samarqand aeroporti qurilishi
Mart oyida yangi Samarqand aeroporti foydalanishga topshirildi. Loyihaning umumiy qiymati 150 million dollarni tashkil qildi.
Bundan tashqari, Twitter’ni narxi O‘zbekiston 2021 yilgi YIMning yarmidan ko‘pni (63,5 foiz) tashkil etdi.
Izoh (0)