Lamborghini kompaniyasi so‘nggi Aventador nusxasini sotdi. LP-780-4 Ultimae versiyasidagi superkar RM Sotheby’s auksionida 1 million 603 ming dollarga baholangan. Hali ishlab chiqarilmagan avtomobil xaridori hozircha NFT token va VIP xizmatlarga ega bo‘lgan. Ular orasida yangi modellarni premyeragacha ko‘rish Lamborghini muzeyiga shaxsiy ekskursiya mavjud, deb xabar beradi Motor.
LP-780-4 Ultimae — 2011-yildan 2021-yilga qadar ishlab chiqarilgan Aventador’ning xayrlashuv versiyasi. Uning tarkibidan 780 ot kuchiga (720 Nm) ega 6,5 litrli V12 dvigateli bilan jihozlangan 350 ta kupe va 250 ta rodster o‘rin olgan. Qo‘shimcha ishlov berilgan dvigatel 1550 kilogrammli superkarni soatiga 100 kilometr tezlikka 2,8 soniyada olib chiqadi. Mashinaning soatiga 200 kilometr tezlikka erishishi uchun esa 8,7 soniya kifoya. Maksimal tezligi — 355 kilometr/soat.
Aventador jamlanmasidan o‘rin olgan almashtirib bo‘lmaydigan token (NFT) — bu superkarning shunchaki virtual nusxasi emas. Avtomobil uchun Marsdagi quyosh botishlaridan ilhomlanilgan holda butun boshli raqamli olam yaratilgan. Vizual qismi ustida esa Krista Kim ismli rassom, ovoz qismi bo‘yicha amerikalik dijey Stiv Aoki ishlagan.
Shuningdek, Kim va Aoki Ad Personam studiyasiga superkar noyob rangga ega bo‘lishida yordam bergan. Salondagi to‘q sariq rang NFT “olamiga” ishora hisoblanadi.
Xayrlashuv Aventador hali Sant-Agata-Bolonnyezedagi zavodda ishlab chiqarilganmagan: u 2022-yilning sentabrida taqdim etilishi kutilmoqda.
Mavzuga doir:
- Video: Ko‘cha o‘rtasida turli bo‘yoqlar bilan bezatilayotgan Lamborghini Aventador SVJ
- AQShda Lamborghini Aventador’ning karton nusxasi yangi Cobalt narxida sotildi (video)
- Dodge Ram’dagi ekstremal sakrashlari uchun 18 ta jarimaga tortilgan bloger Lamborghini Urus yordamida Aventador ustidan sakrab o‘tdi (video)
Izoh (0)